Badan Nasional Sertifikasi Profesi

Saka Wikipédia Jawa, bauwarna bébas abasa Jawa
Logo BNSP

Badan Nasional Sertifikasi Profesi utawi ingkang asring dipuncekak BNSP inggih punika salah satunggaling lembaga independen ingkang dipunbentuk déning pamaréntah Republik Indonésia kanthi adhedasar Undahng - undhang Nomor 13 Taun 2003 ngèngingi ketenagakerjaan. Badan punika dipunbentuk kanggé njamin mutu kompetensi lan dipunakeni dados tenaga kerja wonten ing sadaya sektor babagan profesi ing Indonésia kanthi prosesi sertifikasi.

Organisasi[besut | besut sumber]

Ingkang dados pengurus wonten ing BNSP inggih punika kapérang saking ketua ingkagn ngrangkep dados anggota lan 25 anggota ingkang kapérang saking 13 tiyang saking unsur masarakat lan 12 tiyang saking unsur pamaréntah. Sedaya anggotanipun mawikili saking manéka warna sektor ékonomi lan ing manéka warna babagan profesi.[1] Pengurus BNSP dpunangkat lan dipunmadhegagen déning Présidhèn saking usulipun Mentri bidhan ketegakerjaan (Kemenakertrans). Masa kerja pengurus BNSP punika dangunipun gangsal taun lan saged dipunangkat malih kanggé satunggal periode salajengipun. Strukutur organisasi BNSP kapérang saking Ketua lan Wakil Ketua ingkang dados unsur pimpinan, saha komisi- komisi sanèsipun minangka unsur pelaksana, inggih punika:

  1. Komisi Sertifikasi lan Lisensi
  2. Komisi Harmonisasi lan Kelembagaan
  3. Komisi Pengendalian
  4. Komisi Perencanaan lan Pengembangan

Kangge nindakaken tugas padintenaipun, BNSP dipundhukung déning sekretariat ingkang dipunpandhegani déning satunggaling Kepala Sekrtariat. Sekretariat BNSP inggih punika organisasi struktural eselon II A ingkang kanthi organik mlebet wonten ing organisasi kamentrian Tenaga Kerja lan Transmigrasi.

Visi lan Misi[2][besut | besut sumber]

Visi[besut | besut sumber]

Dadosaken lembaga otoritas sertifikasi profesi ingkang independen lan dipunpitados kanggé njamin kompetensi tenaga kerja ing lebet nagari utawi ing manca nagari.

Misi[besut | besut sumber]

  1. Ngrembakakaken sistem sertifikasi kompetensi profesi ingkang saged dipunpitados
  2. Ningkataken rekognisi lan daya saing tenaga kerja Indonésia ingkang wonten ing lebet nagari utawi ingkan wonten ing manca nagari.
  3. Mbangun kerja sama wontenipun sertifikasi kompetensi ingkang dipunakeni déning internasional.

Tugas Pokok lan Fungsi[besut | besut sumber]

Tugas pokok lan fungsi BNSP inggih punika dados otoritas sertifikasi personel kados ingkang kaserat wonten ing Peraturan Pamaréntah No. 23 ngengingi Badan Nasional Sertifikasi Profesi taun 2004, mliginipun pasal 4 ayat 1): Kangge kalampahaning tugas sertifikasi kompetensi kerja kados ingkang kaserat wonten ing pasal 3, BNSP saged maringaken lisensi dhateng lembaga sertifikasi profesi ingkang njangkepi persaratan ingkang dipuntemtokaken kanggé nindakaken sertifikasi kompetensi kerja. Ayat 2): Ketentuan ngengingi persaratan lan tata cara paring lisensi lembaga sertifikasi profesi kados ingkang kaserat wonten ing ayat 1) dipuntemtokaken salajengipun déning BNSP.[3]

Cathetan suku[besut | besut sumber]

  1. ^ Keanggotaaan dan Organisasi (dipunundhuh tanggal 6 Pebruari 2013)
  2. ^ Visi dan Misi (dipunundhuh tanggal 6 Pebruari 2013)
  3. ^ Tugas Pokok dan Fungsi (dipunundhuh tanggal 6 Pebruari 2013)