Badan Arbitrase Nasional Indonesia

Badan Arbitrase Nasional Indonésia

Badan Arbitrase Nasional Indonésia utawi ingkang asring dipuncekak BANI inggih punika salah satunggaling badan ingkang dipunbentuk déning pamaréntah Indonésia kanggé negakaken hukum ing Indonésia kanggé ngrampungaken sengketa utawi béda pamanggih ingkang kadadosan ing manéka warna sektor kados ta dagang, indhustri lan kauangan, liwat arbitrase lan wujud- wujud alternatif ngrampungaken sengketa sanèsipun ing antawisipun ing babagan- babagan korporasi, asuransi, lembaga kauangan, pabrikasi, hak kekayaan intelektual, lisensi, waralaba, konstruksi, pelayaran / maritim, lingkungan urip, penginderaan jarak jauh, lan sanès- sanèsipun wonten ing lingkup peraturan perundhang- undhangan lan kados padatanipun ing wewengkon internasional. BAdan punika tindakipun kanthi otonom lan independen kanggé negakaken hukum lan keadilan. Pengadilan Negeri boten gadhah wewenan kanggé ngadili sengketa para pihak ingkang sampun kaiket wonten ing serat kekancingan ingkang wujudipun arbitarase. Ngrampungaken sengketa kanthi arbitrase inggih punika salah satunggaling cara ngrampungaken sengketa utawi béda pamanggih perdata déning para pihak medal alternatif cara ngrampungaken masalah sengketa kanthi adhedhasr itikad ingkang saé kanthi ngesampingken cara ngrampungaken masalah kanthi litigasi ing Pengadilan Negeri.

Lingkup jasa BANI

BANI nyamektakaken jasa- jasa kanggé ngawontenaken cara ngrampungaken sengketa kanthi arbitrase utawi wujud- wujud alternatif cara ngrampungaken sengketa ingkang sanèsipun, kados ta negosiasi, mediasi, konsiliasi, lan paring pamanggih ingkang saged ngiket kados ingkang sampun kaserat wonten ing prosedur BANI utawi peraturan prosedur sanèsipun ingkang sampun dipunsarujuki déning para pihak ingkang gadhah kapentingan.

Klausula arbitrase

Klusa arbitrase inggih punika satunggaling klausa wonten ing serat kekancingan ing antawisipun para pihak ingkang gadhah kesepakatan kanggé ngrampungaken sengkete ingkang badhé wonten samangke kanthi prosès arbitrase. Klausa arbitrase miturut pamanggihipun BANI wosipun inggih kados makaten: Sedaya sengketa ingkang badhé wonten saking serat kekancingan punika badhé dipunrampungaken lan dipunputusaken déning Badan Arbitrase Nasional (BANI) miturut peraturan- peraturan administrasi lan peraturan- peraturan prosedur arbitrase BANI, ingkan kaputusanipun saged ngiket kalih pihak ingkang sami gadhah masalah minangka putusan tingkat sapisan lan ingkang pungkasan.

Kerja Sama BANI

Kangge ngrembakakaken arbitrase internasional lan manéka warna wujud alternatif ngrampungaken sengketa ing babagan komersial ing antawisipun para pengusaha ing nagara- nagara ingkang wonten gegayutanipun, mila BANI sampun ngawontenaken kerja sama kanthi manéka warna lembaga ing nagara- nagara, ing antawisipun:

1. The Japan Commercial Arbitration Association (JCAA);
2. The Netherlands Arbitration Institute ( NAI);
3. The Korean Commercial Arbitration Board (KCAB) ;
4. Australian Centre for International Commercial Arbitration (ACICA) ;
5. The Philippines Dispute Resolution Centre Inc (PDRCI);
6. Hong Kong International Arbitration Centre (HKIAC) ;
7. The Foundation for International Commercial Arbitration dan Alternative Dispute Resolution (SICA-FICA)

Uga delengen

• Badan Arbitrase Pasar Modal Indonésia
• Pratélan Badan lan Komisi ing Indonésia