Asma kucing

Asma kucing ya iku alèrgi ing sistem pernapasan kang lumrahé dialami déning kucing. Udakara 1% kucing diwasa ing saindenging jagad kang kena lelara iki. Asma kucing minangka lelara progresif kronis kang ana obaté. Tandha-tandhané ya iku mengi, watuk, lan bronkokonstriksi kang bisa nyebabaké pati. Dinuga lelara iki saya akèh amarga dhuwuré paparan polutan industri.

Tandha-tandha

Asma kucing bisa kedadéyan nalika ana radhang paru-paru . Nalika kuwi paru-paru malih dadi kandel lan tipis dhéwé, saéngga angèl kanggo ambegan. Lendir utawa yiyid bisa dibuwang déning paru-paru menyang saluran pernapasan kang nyebabaké kucing watuk lan mengi. Tandha kang gamblang nalika kucing kena serangan pernapasan yaiku, watuk, mengi, werna lambe lan gusi malih dadi werna biru, asring ndhodhok karo mbungkukaké pundhak lan dawakaké gulu, asring ambegan kanthi cara mbukak cangkem, keselek yiyid lan sakabéhané dadi lemes.

Resiko

Panaliten nuduhaké yèn kucing kang umuré 2-8 taun duwèni resiko paling gedhé kanggo kena penyakit pernapasan. Salliyané kuwi uga ana kucing kanthi ras Siamese, ras Himalaya, lan ras campuran kang luwih gampang kena mengi. Sawetara panliten uga nuduhake manawa luwih akèh kucing wedok kang kena asma tinimbang kucing lanang.

Rujukan

(ing basa Inggris) Feline Asthma with Fritz the Brave. Diakses 05 Juni 2014.
(ing basa Inggris) Dr. Serina J. Hillerson, DVM, 01 Maret, Cat Fancy.
(ing basa Inggris) Dr Susan Little, DVM. Asthma in Cats: Winn Feline Foundation Archived 2006-12-05 at the Wayback Machine.. Diakses 05 Juni 2014.
(ing basa Inggris) AeroKat* Feline Aerosol Chamber. Diakses 05 Juni 2014.
(ing basa Inggris) Cat Asthma Symptoms, Wheezing, Treatments, and Breeds. Diakses 05 Juni 2014.
(ing basa Inggris) Feline Asthma & Other Respiratory Disorders Archived 2013-09-01 at the Wayback Machine.. Diakses 05 Juni 2014.
(ing basa Inggris) Feline asthma treatments under review. (2002). DVM, 33(7), 1-20S. Diakses 05 Juni 2014, dari ProQuest.
(ing basa Inggris) Gagliardi, K. (01 Oktober 2012). Feline asthma: What you need to know. The Daily Camera. Diakses 05 Juni 2014, dari ProQuest.