Artikel
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Artikel ya iku karangan nyata kang jangkep kanthi dawa tartamtu kang digawé kanggo disebaraké lumantar koran, kalawarta, buletin, lsp.[1] Panulisan artikel ndarbèni ancas kanggo ngandharaké gagasan lan fakta kang bisa ngyakinaké, nggulawentah, lan nyenengake kang maca.[1] Déné ing Kamus Besar Bahasa Indonesia (KBBI), artikel ya iku karya tulis jangkep, tuladhané lapuran pawarta utawa esai ing kalawarta, kalawarti. lsp. Artikel iku karangan non-fiksi kang njlèntrèhaké sawijiné pokok prakara kanggo dimot ing kalawarti, kalawarta, buletin, lan médhia liyané.[2]
Jinis
[besut | besut sumber]- Artikel eksploratif, artikel kang nuduhaké fakta miturut kajian panulisané.[2]
- Artikel eksplanatif, artikel kang isiné katrangan babagan sawijiné prakara kanggo dingertèni kang maca.[2]
- Artikel dhèskriptif, artikel kang nggambaraké babagan sawijiné pokok prakara kang kadadéan ing masarakat. Saéngga wong kang maca kaya weruh, ngrungokaké, lan ngrasakaké babagan kang ditulis.[2]
- Artikel prèdhiktif, artikel kang isiné pètungan utawa ramalan babagan apa kang bakal kadadèn miturut pètungan panulis.[2]
- Artikel preskriptif, artikel jinis iki mènèhi tuntunan marang pamaos supaya ora klèntu utawa kliru.[2]
- Artikel naratif, kang kanthi prasaja uga diarani carita. Ing artikel narasi ana prastawa utawa kadadéan ing sawijininh=g wektu. Ing kadadéan iku ana uga tokoh kang lagi ngadhepi masalah.
- Artikel eksposisi, artikel kang isiné panjlèntrèhan babagan siji topik kanthi ancas mènèhi tambahan èlmu kanggo wong kang maca.
- Artikel argumentasi, artikel kang duwé ancas kanggo mbuktekake kabeneran siji panyaruwe utawa dhudhutan utawa alesan utawa bukti. Ing artikel argumentasi iki, pengarang ngarepake mbenerake panyaruwene saka wong kang maca.
- Artikel persuasi, artikel kang ancase kanggo mrabawani wong kang maca kanggo nindakaké siji pakaryan.
Isi
[besut | besut sumber]Isi Artikel bisa menéka warna, sawatara tuladhan kang asring diwaca ya iku:
- Sajarah
- Petualangan
- Argumentasi
- Kasil panalitiyan
- Bimbingan kanggo nindakaké siji pakaryané/ ngajari carané
Panulis Artikel
[besut | besut sumber]Penulis Artikel ya iku pawongan kang nindakaké pakaryan ngarang siji tulisan, nggabungaké sawatara tembung dadi ukara kang wigati lan kepénak diwaca, saéngga nggawé wong kang maca ngrasakaké lan mangertèni apa kang sadurungé durung dingertèni.
Panulis Artikel manéka warna kriteriané, ya iku: