Aries Susanti

Aries Susanti ingkang nggadhahi nama jangkep Aries Susanti Rahayu, inggih punika salah satunggaling atlèt panjat tebing saka Indonésia. Atlèt ingkang asring dipuntimbali Ari punika lair ing Grobogan, 21 Maret 1995. Aries Susanti, putrinipun Bapak S Sanjaya saha Ibu Maryati, rumaja putri ingkang remen pénékan wiwit alit, ndadosaken bab ingkang dipunremeni dados kagiyatan ingkang nggadhahi mupangat. Aries Susanti kathah ngurbanke kala nèm piyambakipun kanggé gladhi saben dinten. Menawi kanca-kanca Aries Susanti remen dolanan bonéka, déné Ari langkung remen mènèk wit. Perjuwanganipun supados Ari dados pemanjat tebing profèsional uga boten gampang. Kathah bab ingkang kedah dipunkurbanaken dening Ari, kadosta wayah dolanan kalih kanca-kanca, wayah alit, carané mbagi wayah sekolah lan latian panjat tebing, latian fisik, lan sapunggalé.

Ririncèn alit

Wiwit alit, piyambakipun remen ménék wit. Benten kalih kanca-kanca liyanè, atlet panjat tebing ingkang suksès pikantuk medali emas punika uga remen kagiyatan olahraga. Nalika taksih sekolah wonten ing SMP, piyambakipun naté dados juara tingkat Kecamatan lan Kabupaten. Satemah, Ari pikantuk beasiswa Sampoerna. Nalika piyambaikpun kelas II SMP tahun 2007, pengurus Fèderasi Panjat Tebing Indonésia (FPTI) Grobogan, Pak Yuli minangka pakdhé piyambakipun, nawari Ari kangem dados atlèt nèm wonten ing Pekan Olahraga Dhaérah Jawa Tengah. Nalika semana, Ari purun tumut seleksi atlèt lan dados atlèt panjat dinding paling nèm, inggih punika usia 14 taun. Boten namung latian saklumrahé kémawon, ananging latian Aries Susanti sabendinten saged ndadosaken Ari pikantuk medali emas wonten ing ajang lomba Pekan Olahraga Dhae'rah Jawa Tengah (Porda Jateng) kala taun 2009.

Wiwit prèstasi

Nalika sekolah wonten SMA, Ari tumut selèksi  atlèt PON 2012 ing Riau ananging Ari boten boten saged langkung dipunkenal amargi Ari mudhun ing wonten salebeting nomor beregu speed track senadyan sampun mempeng anggènipun latian kecepatan lan dadod pengumpul medhali ingkang kathah piyambak kagen Jateng. Senadyan boten dados tim inti, ananging Ari saged ngalahke sedaya atlèt Pelatda lan kalebu ing tim inti Jawa Tengah kangge PON. Ing taun 2016, Aries sampun tandhing wonten ing nomor kecepatan beregu lan ndadosaken tim pikantuk medali emas. Ananging Ari dereng tandhing ing nomer piyambak kantenan kalah saking sènioripun Aries. latian ingkang diipunlampahi Ari antawisipun angkat beban, ancasipun supados nambah kuwat ing sisih otot piranti obah nginggil utawi ngandhap. Salajengipun mlumpat, menek, lan lumayu supados nambah cepet anggènipun panjat tebing. Sabendinten Aries Susanti kedah latian kanthi abot. altian abot punika kanggè supados saged mènèk kanthi cepet nglawan tebing tegak ingkakng dhuwuré 15 mètér, kanthi ukuran miring 85 derajat ingkang sampun dipunlampahi kalih wektu 7,6 dhetik. Punika Aries Susanti saged ngalahaken sènioripun Ari inggih punika Puji Lestari.

Nalika taun 2017, Ari dipundhawuhi menehi pelatihan kanggé tim panjat tebing Kopassus wonten Jakarta. Salebeting pelatihan punika, Ari pepanggihan kalih Hedra Basir, pelatih nasional panjat tebing. Hendra remen kalih bakat Ari, lajeng Ari dipunlatih saha dipunpersiapaken dados atlèt Asian Games . Ari kalebet wonten ing tim inti amargi nalika gladhi simulasi, piyambakipun ingkang dados juara.Wonten ing debut Internasional ing Kejuaraan Asia, Iran, September 2017, Ari namung pikantuk perunggu saking nomor ingkang dipunkuwaos dening Ari. Piyambakipun kalah saking pemanjat China, Song Yiling ing sèmifinal, atlèt Indonesia Puji Lestari menang saking Song lan pikantuk emas.

Ing sakdawané taun 2018, Ari bakal tumut pitung kejuaraan, ya iku kalih kejuaraan dunia, kejuaraan asia lan papat turnamèn pemanjat èlit kelas dunia ing China. Ing Asian Games 2018, Ari inggih nglawan Song Yiling ing babak semifinal. Wonten ing kalodhangan punika, Ari menang telak saking Song. Lajeng wonten ing final, Ari menang saking sénior piyambakipun, Puji Lestari. Sakdèrengipun Ari menang nalika nglawan sènior piyambakipun, Ari sampun menang lawan altèt China liya, He Cuilian. Sakniki, Ari taksih fokus kanggé Olimpiade Tokyo 2020. Ing olimpiade Tokyo mangké, nomor ingkang dipuntandhingaken inggih punika nomor speed, lead, lan boulder. Dene Aries Susanti namung gadhah spèsialisasi wonten ing nomor speed (adu cepet).Sakpunika dugi sakniki, rekor adu cepet panjat tebing taksih dipunsandhang kalih Iuliia Kaplina, pemanjat tebing saking Ruslan. Ari gadhah pangajab supados pemerintah saged nyengkuyung cabang panjat tebing pinuju level ingkang langkung inggil.

Para pelatih

1. Caly Setiawan
2. Pak Yuli
3. Hendra Basir

Ririncèn wiyata

1. SDN Taruna, Klambu, Grobogan
2. SMPN 1 Grobogan (2009)
3. SMAN 9 Semarang lan SMA Kristen Purwodadi (2012)
4. Jurusan Manajemen Universitas Muhammadiyan Semarang

Prèstasi

Prèstasi ingkang nate dipungayut kalih Ari, antawisipun :

1. Emas Asian Games 2018.
2. Emas seri Kejuaraan Dunia Chongqing, China Mei 2018.
3. Perak seri Kejuaraan Dunia di Xiamen, China 2017.
4. Perunggu seri Kejuaraan Dunia Tai’an China 2018.
5. Perunggu Kejuaraan Asia Iran 2017.