Arbok
Arbok (アーボック Arbok?) inggih punika salah satunggaling nama kanggé karakter spésies fiksi saking serial Pokémon. Nama Arbok piyambak minangka pengejaan kuwalik saking tembung Inggris cobra, kanthi aksara C ingkang kagantosaken déning huruf K.[1]
Profil[besut | besut sumber]
Psikologis[besut | besut sumber]
Arbok (#024 ing Pokedex Kanto, #051 ing Johto, lan #226 ing Hoenn) minangka salah satunggaling jinis spésies Pokémon reptil ingkang ngandhut wisa kanthi warni dominan ungu, lan minangka wujud evolusi saking Ekans, kanthi ciri bilih Arbok punika sampun kicalan buntut dherikipun. Arbok kados déné ula kobra saèstu saged mbetangaken balung rusuk wonten ing pérangan praupanipun kados déné sendhok. Desainer Pokémon, Ken Sugimori, kadosipun antusias sanget kanthi rupa Arbok, ing pundi lajeng piyambakipun nambahaken sakedhik desain sanès nalika Arbok mbentangaken pérangan gulunipun kados memper sendhok inggih punika badhé medal sawijining praupan ingkang duka. Sapunika kacathet wonten 6 variasi praupan duka ingkang sampun dipunkenal déning para fans Pokémon ing kolong jagad. Dawaning badan Arbok dumugi sakitar 11,6 kaki, kanthi bobot antawis 143.3lbs.[2]
Kemampuan[besut | besut sumber]
Arbok gadhah kemampuan ingkang manéka jinis. Arbok saged nyokot kanthi wisa ingkang kiyat sanget lan saged damel pejah. Kajawi punika Arbok ugi saged ngremukaken benda kados watu ageng namung satunggal gubetan kemawon. Arbok ugi saged ngipnotis korbanipun kanthi praupan ingkang wonten ing gulunipun mau. Arbok ugi saged marikaken badanipun piyambak nalika sakit kénging serangan saking musuhipun, ciri ingkang pungkasan meh sami kaliyan Pokémon spésies ula watu, Onix.
Habitat alasan[besut | besut sumber]
Arbok minangka satunggaling spésies Pokémon ingkang ganas, remen njajah alam sakitar. Arbok ugi kadang kala nyerang sinten kemawon ingkang nyobi nganggu Arbok kanthi cara nyemprotaken wisanipun. Arbok ugi kawentar babagan sipatipun ingkang bengis, piyambakipun boten badhé mandheg saderengipun lawan mau asor napa pejah, boten perduli dangunipun Arbok lan lawannipun punika tetandhingan. Wonten ing alam alasan, Arbok urip ing daerah savana lan alas ingkang langkung kathah sesuketane.
Serial animasi[besut | besut sumber]
Wonten ing episode EP056: The Ultimate Test, Ash Ketchum naté migunakaken Arbok nalika piyambakipun ndhèrèk ujian mlebet Liga Pokémon nalika nglawan instrukturipun, Jolteon. Salajengipun wonten ing episode AG015: Gonna Rule the School, satunggaling Arbok dipun-ginakaken déning para siswa sekolah kapelatihan Pokémon wonten ing satunggaling gladhden ing sekolah mau. Lan wonten ing episode DP091: One Team, Two Team, Red Team, Blue Team, satunggaling Arbok sanès dipun-ginakaken déning para siswa Akademi Mangsa Panas Pokémon wonten ing sawijining adicara Pokémon Triathlon.[3]
Cathetan suku[besut | besut sumber]
- ↑ http://pokemonfan.org/arbok/ Archived 2008-10-25 at the Wayback Machine. Fanlisting Arbok
- ↑ http://www.pokemon.com Situs web resmi Pokémon Amérikah Sarékat
- ↑ http://www.pokemon.co.jp Situs resmi Pokémon Jepang
- Arbok dalam Bulbapedia