Aqua (banyu mineral)

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Gambar Aqua

Aqua yaiku mèrek air minum dalam kemasan (AMDK) kang diprodhuksi déning PT Aqua Golden Mississippi ing Indonesia wiwit taun 1973.[1] Saliyané ing Indonesia, Aqua uga didol ing Singapura.[1] Aqua yaiku merek AMDK kang payu banget ing Indonesia lan dadi salah sijiné mèrek AMDK kang paling misuwur ing Indonesia, saéngga kaya dadi mèrek gènèrik kanggo AMDK.[1] Saiki ana 14 pabrik kang mroduksi Aqua mawa béda kang duwé (10 pabrik duwéne PT Tirta Investa,a, 3 Pabrik duwéne PT Aqua Golden Mississippi, lan pabrik ing Brastagi, Sumatera Utara duwéne PT Tirta Sibayakindo)[1]

Wiwit taun 1998, Aqua wis duwé prusahaan multinasional ing babagan panganan lan ombenan saka Perancis, Grup Danone, asil saka gabunge PT Aqua Golden Mississippi karo Danone.[1]

Aqua Group diadegake déning Tirto Utomo, wong asli Wonosobo kang nggawe usaha AMDK sawisé metu saka Pertamina.[1]

Sajarah[besut | besut sumber]

Wiwitan Ngadeg[besut | besut sumber]

PT Aqua Golden Mississppi kang ngadeg taun 1973 ing Indonesia.[2] Ide nggawé prusahaan AMDK ana rikala Tirto dadi pegawé pertamina sakiwa-tengené taun 1970-an.[2] Dhèwèké ditugasi kanggo ngladèni tamu saka Amérikah Sarékat.[2] Nanging rikala iku bojo kaloro saka tamu malah kena diaré amarga ngombé banyu ora resik.[2] Tirto banjur ngerti yèn tamu-tamuné saka nagara kulon ora kulino ngombé banyu kang digodhog, nanging banyu kang wis disterilaké.[2]

Dhèwèké lan sadulur-seduluré wiwit nyinaoni cara mroses AMDK.[2] Dhèwèké njalik adhine, Slamet Utomo kanggo magang ing Polaris, prusahaan AMDK kang rikala iku wis mlaku 16tahun ing Thailand.[2] Mula ora nggumun yèn wiwitane produk Aqua arep padha Polaris wiwit saka wujud botol kaca, merek mesin pangolahan banyu, nganti mesin kanggi ngumbah botol sarta ngisi banyu.[2]

Tirto ngadhegake pabrik kapisane ing Pondok Ungu, Bekasi lan njenengi pabrik iku Golden Mississippi mawa kapasitas produksi nem yuta liter saben taun.[2] Tirto tahu mamang karo jeneng Golden Mississippi sanajan trep karo target pasare, ekspatriat, nanging isih aneh dirungokake ing kuping wong Indonesia.[2] KOnsultane, Eulindra Lim, ngusulake supaya nganggo jeneng Aqua amarga trep karo gambarang banyu ngombé lan ora angèl diomongake.[2] Dhèwèké sarujuk lan nggenti merek produke saka Puritas dadi Aqua. Rong taun sabanjuré, produksi kapisan Aqua dientokake ing wujud botol kaca 90 ml mawa rega Rp. 75, arep ping lorone rega bènsin rikala iku Rp.[2] 46 kanggo 1000ml[2]

Pangrembakan lan Akusisi Déning Danone[besut | besut sumber]

Tahun 1982, Tirto nggenti bahan baku (banyu) kang pisanane saka sumur bor menyang umbul ing pagunungan kang mili dhéwé amarga dianggep komposisi minera alamine kang akèh nutrisi kaya kalsium, magnesium, potasium, zat besi lan sodium.[3]

Willy Sdharta, sales lan kang ngrakit mesin pabrik kapisan Aqua, ya iku wong kang kapisan ndandani sistem distribusi Aqua.[3] Dhèwèké ngawiti nggawe konsèp delivery door to door mirunggan kang dadu cikal bakal sistem pangiriman langsung Aqua.[3] Konsep pangiriman nggunakaké kardus-kardus lan galon-galon nggunakaké armada kang modhele wis digawe mirunggan kanggo ngedol aqua mawa konsisten nanjak nganti pungkasan pangedolane nganti 2 triliun rupiah ing taun 1985.[3]

taun 1984, Pabrik Aqua ngadeg ing Pandaan, Jawa Timur kanggo nyedakake awak menyang konsumen kang ana panggonan iku.[3] Setahun sawisé, ana pangrembakan produk aqua ing wujud kemasan PET 220 ml.[3] Pangrmbakan iki ndadèkaké produk Aqua tan saya dhuwur kualitase lan luwih aman kanggo dikonsumsi.[3]

Tahun 1995, Aqua dadi pabrik banyu mineral kapisan kang nggunakaké sistem produksi in line ing pabrik Mekarsai.[3] Pangolahan banyu lan panggawene kemasan Aqua dilakokake bebarengan. Asi sistem in line ya iku botol Aqua kang nembé digawe bisa langsung diisi banyu resik ing pungkasane psoses produksi, saéngga bisa luwih higienis.[3]

Tahun 1998, amarga saingane saya akèh, Lisa Tirto kang duwé Aqua Golden Mississippi sawisé bojone séda Tirto Utomo, ngadol sahame menyang Grup Danone ing 4 Seprember 1998.[3] Akusisi mau dianggep treo sawisé cara apa baé ora cukup nylametake Aqua saka saingan anyar.[3] Mula perkawis mau ndadèkaké kualitas produke saya apik lan Aqua manggoni mawa produsen AMDK kang gedhé dhéwé ing Indonesia.Tahun 2000, ngepasi gentine milenium, Aqua ngentokake produk kang ana lebele Danone-Aqua.[3]

Sawisé Akusisi[besut | besut sumber]

Danone ngunggahake panduwén saham ing PT Tirta Investama saka 40% dadi 74%, saéngga banjur dadi panyekel saham mayoritas Aqua Gruo.[3] Aqua nekakake kemasan botol kaca anyar 380 ml ing 1 November 2001.[3]

2002

Banjir gedhé JAkarta ing wiwitan taun nyebabake prusahaan mbantu masarakan lan uga karyawan Aqua dhéwé kang kena coba iku.[4] Aqua menang ing ajang Indonesian best Brand Award.[4] Wiwit dianakake kasepakatan Kerja Bersama (KKB 2002-2004) 1 Juni 2002.[4]

2003

Produksi Aqua Grup saya amba wiwit diresmekake pabrik anyar ing Klaten.[4] Usaha nera[ake prosès kerja prusahaan mawa panerapan SAP (System Application and Products for Data Processing) lan HRIS (Human Resources Information System).[4]

2004

Paluncuran logo anyar Aqua. Aqua nekakake varian anyar Splash of fruit, jinisé banyu kang ditambahi esens rasa buah strawberry lan orange-mango. Paluncuran produk iki pisanane pengen nguatake panggonan Aqua mawa produsen ombenan.[4] Sabenere Aqua Splash of Fruit ora banyu mineral biyasa, nanging kelebu kategori beverages.[4] Saéngga ana ing pangadolane ora éntuk dipeme kaya produk banyu mineral, nanging kudu dulebokake ing lemari es.[4] Emane, perkawis iki ora digatekake déning konsumen amarga kurang sosiakisasi saka pihak Aqua.[4] Ing taun kang padha, Aqua ngakokake PHK masal kanggo kabèh pabrik, depo lan kelebu kantor pusat.[4]

2005

Danone byantu kurban tsunami ing Acèh.[4] Tanggal 27 September, Aqua mroduksi Mizone, minuman kang ana nutrisine ya iku produk saka Danone.[4] Mizone ana 2 rasa yiku Orange lime lan Passion fruit.[4]

2006-2008

Danone usaha kanggo nggawe pabrik ing Serang, nanging amarga Danone didemo déning warga, Bupati, DPRD lan LSM sarta kasus iki wis tekan Gubernur Banten mula Danne kapeksane kalah utawa mbatalake ngadege pabrik ing Serang.[4] Sabenere Danone bisa yasa pabrik ing serang saumpama Danone gelem nggawekake fasilitas umum kaya banyu resik kanggo warga sakiwa-tengené, amarga pancen sing dibutuhake warga pas iku mung banyu resik dudu survey uta penghijauan.[4] Kaanan iki malah dimanfaatake karo wong supaya éntuk kauntungan.[4]

2009

Danone bakal miwiti nggawe pabrik anyar ing Cianjur, iki dadi pangalihan Pabrik Serang kang pambangunane durung sida.[4] Danone nglucurake Mizone rasa apple guava[4]

2010 Aqua Group ngalami owah-owahan kang akèh ing struktur organisasi lan operasionale.[4] Owahan mau ya iku prosès delisting PT Aqua Golden Mississippi saka bursa efek Indonesia (BEI) saéngga status badan hukum PT AGM dadu prusahaan kang katutup.[4] Aqua uga manuhaké inovasi anyar ing tutup galone kanggo njaga murnine isi.[4]

2011

Aqua nganakake kampanye iiIt's Me kanggo nyosialisasekake urip séhat marang konsumen.[4]

Alamat[besut | besut sumber]

  • Kantor pusat:

PT Tirta Investama

Jalan Pulo Lentut No. 3

Kawasan Industri Pulogadung

Jakarta Timur-13920

Telp. (021) 4603070[5]

  • Danone Indonesia (Aqua Group, Nutricia, Sari Husada, & Danone Dairy):

Gedung Cyber 2, Lantai 10-11-12-15

Jalan H.R. Rasuna Said Blok X-5 no 13

Jakarta Selatan 12950

Telp (021) 2996 1000[5]

Cathetan suku[besut | besut sumber]

  1. a b c d e f AQUA (dipunundhuh tanggal 7 Maret 2013)
  2. a b c d e f g h i j k l m Profil PT Aqua (dipunundhuh tanggal 7 Maret 2013)
  3. a b c d e f g h i j k l m n sejarah Aqua (dipunundhuh tanggal 7 Maret 2013)
  4. a b c d e f g h i j k l m n o p q r s t u v Sejarah Aqua dan Danone (dipunundhuh tanggal 7 Maret 2013)
  5. a b Komunikasia (dipunundhuh tanggal 7 Maret 2013)