Anwar Jimpe Rachman

Saka Wikipédia Jawa, bauwarna mardika basa Jawa

Anwar “Jimpe” Rachman saking Makassar inggih punika salah satunggaling panyerat ingkang gadhah kawigatèn tumrap literasi. Anwar "Jimpe" mijil wonten Balikpapan, 5 November 1975. Panjenenganipun sarjana Hubungan Internasional FISIP Universitas Hasanuddin, Makassar. Anwar "Jimpe" gadhah garwa ingkang asmanipun Fitriani A Dalay. Panjenenganipun ingkang ngyasa Kampung Buku.

Wiwitan Padamelan[besut | besut sumber]

Kawigatèn Anwar "Jimpe" kaliyan literasi punika dipunwiwiti awit taksih SMP wonten Kabupaten Sidrap, Sulawesi Kidul. Nalika SMP, panjenenganipun remen maos, ngarang, saha nyerat geguritan. Bakat punika dipuntumurunaken déning bapakipun, Abdul Rachman Tang, salah satunggaling vèteran saha kepala désa ingkang tumut nyerat wonten buku kanthi irah-irahan Selayang Pandang Sidrap. Nalika taksih dados mahasiswa, taun 1999, Anwar "Jimpe" saha sedaya kancanipun ngyasa Tanah Indie, lembaha nirlaba ingkang wigati kaliyan kajian, diskusi, paméran, ngantos penerbitan. Wonten taun punika, Anwar "Jimpe" gadhah idé kagem nyambut damel saking dalem amargi boten remen nyambut damel kantoran. Panjenenganipun sampun nate dados jurnalis dangunipun 2,5 taun.

Anwar “Jimpe” miwiti kagiyatan literasinipun wiwit taun 2005 nalika panjenenganipun ndhèrèk mbudidayakaken penerbit “Ininnawa” (wonten basa lokal maknanipun gegayuhan). Kanthi pengalaman jurnalistik saha panyeratan, Anwar “Jimpe” wigati kaliyan babagan kabudayan lokal. Taun 2005, Anwar "Jimpe" sakanca nerbitaken buku kanthi irah-irahan Makassar Nol Kilometer. Panjenenganipun dados panyerat, pambesut, saha kurator. Anwar “Jimpe” ugi dipundadosaken mitra déning para panaliti ingkang badhé nindakaken panalitèn babagan literasi saha kabudayan dhaérah.[1]

Energi Positif[besut | besut sumber]

Anwar "Jimpe" ngendika bilih kathah cara ingkang saged dipuntindakaken kagem nyaosaken energi positif dhumateng para mudha supados boten tumut tawuran, vandalisme, saha narkoba. Anwar "Jimpe" ngajak para mudha neliti masalah sosial saha budaya. Asilipun pengamatan saha risét kala wau dipunserat lumantar blog saha buku, sanèsipun arupi film dokumenter. Dipunsarengi kaliyan kagiyatan penerjemahan, kurasi, saha publikasi, muncul kathah literatur babagan manungsa saha aspek sosail-budaya Bugis, Makassar, saha Mandar- tigang suku ingkang wonten ing kidul saha kulonipun Sulawesi. Kagiyatan sanèsipun, Anwar "Jimpe" saha kanca komunitasipun kersa nawaraken jati dhiri Kutha Makassar ingkang langkung sae: kutha literasi. Amargi miturut panjenenganipun, literasi gadhah teges kados pundi ngajak tiyang sanès kagem ngangsu kawruh ingkang langkung malih. Tiyang umum dipunsuwun neliti lajeng nyerat panalitenipun babagan kuthanipun, Makassar.

Padamelan[besut | besut sumber]

Direktur Penerbitan Ininnawa[besut | besut sumber]

Anwar "Jimpe" miwiti kagiyatanipun kanthi ngawontenaken transliterasi utawi alih bahasa dhumateng buku-buku babagan Sulawesi ingkang kathahipun dipunserat déning panaliti asing. Miturut pengamatanipun Anwar "Jimpe", nagntos taun 2000-an, narasi babagan Sulawesi langkung kathah terbit miturut perspektif saking njawinipun Sulawesi. Tuladhanipun buku kanthi irah-irahan The Voyahe to Marege':Pencari Teripang dari Makassar di Australia (2017). Buku anggitanipun C Campbell Macknight punika terbit sepisanan wonten bahasa Inggris kanthi irah-irahan "The Voyage to Marege': Macassan Trepangers in Northern Australia". Sasampunipun langkung saking 40 taun, buku punika dados rujukan kagem panaliti asing saha lokal, buku punika dipunterbitaken malih déning Ininnawa dipunjangkepi kaliyan besutan ngagem bahasa ingkang langkung anyar.

Ingkang ngyasa Tanah Indie[besut | besut sumber]

Tanah Indie punika dipun-yasa nalikanipun Anwar "Jimpe" sakanca taksih dados mahasiswa taun 1999. Tanah Indie punika salah satunggaling lembaga nirlaba ingkang wigati kaliyan kajian, diskusi, pameran, saha penerbitan.

Ingkang ngyasa Kampung Buku[besut | besut sumber]

Kampung Buku punika dipun-yasa minangka papan kagem maos, penerbitan, nuli ngajak tiyang sanès neliti saha nyerat babagan kutha Makassar lumantar buku saha blog. Pramila, kathah buku ingkang wosipun asil panalitèn saha kurasi sejarah Bugis-Makassar saha Mandar ingkang gadhah corak maritim. Buku-buku punika asring dipundadosaken sumber panalitèn babagan sosial-budaya Sulawesi Kidul saha Sulawesi Kulon. Kampung Buku punika dipun-yasa dados perpustakaan saha kagem kagiyatan literasi. Kampung Buku punika ugi dipunjangkepi kaliyan penerbitan saha kafé alit.

Kampung Buku punika wiwitanipun nalika Anwar "Jimpe" saha garwanipun, Fitriani A Dalay, pindah saking dalemipun tiyang sepuhipun tumuju griya warisan saking kulawarganipun Jalan Daeng Sirua, taun 2008. Griya kasebut lajeng dados Kampung Buku ingkang gadhah perpustakaan, penerbitan, saha kafé. Kampung Buku dados papan panggenan kagem nongkrong wonten satengahipun gedhung, mal, saha hotel ingkang langkung kathah saha ageng wonten Makassar. Griya punika kados dados ruang publik.

Kurator Jakarta Biennale[besut | besut sumber]

Anwar "Jimpe" dados kurator Jakarta Biennale wiwit taun 2015.

Rujukan[besut | besut sumber]

  1. Ashri, Abdullah Fikri; Nara, Nasrullah (2018-10-22). "Anwar "Jimpe" Rachman Oase Literasi dari Timur". Kompas.