Angsle

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Angsle ya iku salah sijining jinis wedang khas Jawa. Wedang iki asalé sangka Kutho Malang nanging uga bisa dipethuki ing Surabaya lan daerah liya ing Jawa. Wedang iki disuguhake panas-panas utawa anget.

Isèn-isèn[besut | besut sumber]

Isèn-isèn kang wajib ana ing wedang Angsle ya iku kacang ijo godhog, kacang tanah sangrai, godhong pandan, santen, lan roti tawar. Uga bisa ditambahi petulo (putu mayang), ketan putih kukus, nangka, lan tape tela kaspe.

Cara Gawene[besut | besut sumber]

Cara gawene gampang waé. Kanggo duduh santen: ggdhok santen bareng karo godhong pandan, gula putih, uyah, lan jahe emprit kang wus digeprek. Udheg alon-alon supaya santene ora pecah. Banjur angkat. Kanggo petulo: Kukus glepung beras rong puluh menit ing jero dandang panas, banjur angkat lan disisihna. Godhog santen bareng karo uyah lan godhong pandan, angkat, banjur sisihna godhong pandane. Godhogan santen iki banjur disokake marang tepung beras kukus karo diudheg rata nganti rodo adhem. Tambahna tepung kanji, udheg rikat nganti rata. Banjur dilebokake ing cithakan putu mayang, teken sampek adonane dadi wujud mi banjur digulung. Kukus ana ing jero dandang panas watara selawe menit nganti mateng. Angkat banjur disisihna.

Cara Suguh[besut | besut sumber]

Cara nyuguhake uga gampang. Isèn-isèn ditata ing mangkok utawa gelas, banjur disiram duduh santen.

Pranala njaba[besut | besut sumber]