Alfabèt fonètis NATO

Saka Wikipédia Jawa, bauwarna mardika basa Jawa
Jump to navigation Jump to search
Tabèl alfabèt radhiyotéléfoni FAA lan sandi Morse
rekaman swara: alfabèt fonètis ICAO

Ana masalah nalika muter barkas iki? Waca pitulung médhiya.

Alfabèt fonètis NATO, kanthi aran resmi International Radiotelephony Spelling Alphabet, uga lumrahé karan alfabèt fonètis ICAO, utawa kanthi aran resmi liyané sandi figur lan alfabèt fonètis ICAO, iku alfabèt pangéja radhiyotéléfon kang lumrah dhéwé kaanggo ing manéka panggonan. Sanajan kerep karan "alfabèt fonètis", alfabèt pangéja ora ana gegayutané karo tata trankripsi fonètis kaya déné Alfabèt Fonètis Internasional. Nanging, alfabèt rerékané International Civil Aviation Organization (ICAO) iki ngecakaké tembung sandi kang akrofonis tumrap kurup-kurup ing alfabèt Inggris. Kanthi mangkono, kombinasi kurup lan angka bisa kaucapaké supaya dingertèni péhak-péhak kang padha kirim-kiriman layang swara lumantar radhiyo utawa téléfon tanpa nguwatiri béda basa utawa mutu saluran komunikasi antarané kang padha sesambungan.[1]

Tembung sandi cacah 26 ing alfabèt fonètis NATO kang kacakaké marang 26 kurup ing alfabèt Inggris lan kaurutaké kanthi alfabètis, ya iku: Alfa, Bravo, Charlie, Delta, Echo, Foxtrot, Golf, Hotel, India, Juliett, Kilo, Lima, Mike, November, Oscar, Papa, Quebec, Romeo, Sierra, Tango, Uniform, Victor, Whiskey, X-ray, Yankee, Zulu.[2]

Rujukan[besut | besut sumber]

  1. "Archived copy". Diarsip saka asliné ing 20 March 2015. Dijupuk 2015-04-27. 
  2. "Alphabet - Radiotelephony". International Civil Aviation Organization. n.d. Dijupuk 2 July 2018.