Ahmad Zetyos

Saka Wikipédia Jawa, bauwarna mardika basa Jawa
Ahmad Zetyos
LairAhmad Setyo Sasono
1992
Jethis, Panaragi
PakaryanJuru nyekar

Ahmad Setyo Sasono, utawi langkung kondhang mawi nami Ahmad Zetyos (miyos ing Panaragi, 1992), inggih punika satunggaling artis enggèn-enggènan ing Kabupatèn Panaragi. Naminipun milai tinepang déning wargi Panaragi lumantar médhia lering (lebet jaringan; cara Indonésia: dalam jaringan) nalika piyambakipun nglampahi kariripun minangka juru nyekar (ngoko: juru nembang). Piyambakipun kerep dipun-ala-ala déning para warginèt jalaran obsèsinipun dados artis lan juru nyekar papan inggil tuwin swarinipun ingkang dipun-anggep nyimpang saking pakem. Sanadyan mekaten, piyambakipun nggadhahi paremen ingaran Lovemad ingkang nyengkuyung piyambakipun.[1][2] Salebeting pirembagan radhio kalih Eko Mulyadi ing RBM FM Ponorogo, Ahmad Zetyos ngendika manawi piyambakipun naté dipunsuwun déning para paremenipun supados piyambakipun nyalon dados calon bupatos ing pamilu Bupatos Panaragi 2020.[3] Mémé internèt inggih medal ingkang ndadosaken piyambakipun minangka calon bupatos fiktif.[4] Salami kariripun minangka juru nyekar, piyambakipun sampun mbabar sekawan wiji singel lagu, inggih punika "Aku Jatuh Cinta", "Cinta Kau Selamanya", "Rasa Ini Untukmu", lan "Rindu Setengah Mati".[1][5]

Rujukan[besut | besut sumber]

  1. a b Susanto, Aries (3 Maret 2015). "PENYANYI NYLENEH : Demi Jadi Artis, Pria Ponorogo Ini Rela Manggung Hanya Dibayar Segelas Teh". Solopos. Dibukak ing 21 Juli 2021.
  2. Ajijah, èd. (2 Maret 2015). "Mimpi Jadi Artis, Pria Asal Ponorogo Ini Ngedan dengan Agnes Monica". Bisnis.com. Dibukak ing 21 Juli 2021.
  3. Mulyadi, Eko; Zetyos, Ahmad (6 Januari 2020). "Ahmad Zetyos dicalonkan Lovemad untuk maju bupati". seCANGKIR PONOROGO, RBM FM Ponorogo. Dibukak ing 21 Juli 2021 – lumantar YouTube.
  4. infoponorogo (10 Januari 2020). "Iki lho cah kabar viral yang beredar dimana mana, artis hitzz kita @ahmad_zetyos macung bupati ponorogo to?". Dibukak ing 21 Juli 2021 – lumantar Instagram.
  5. Susanto, Aries (6 April 2015). "PENYANYI PONOROGO : Inilah Penggalan Lirik Puitis Penyanyi Ponorogo". Madiunpos. Dibukak ing 21 Juli 2021.