1G

Saka Wikipédia Jawa, bauwarna mardika basa Jawa
Jump to navigation Jump to search

1G utawa First Generation (cara Jawa: Génerasi Pisanan) iku tèknologi sistem komunikasi sèlulèr gènerasi pisanan.[1] Tèknologi iki nggunakaké sistem analog, sing kasuwur kanthi jeneng AMPS (Advanced Mobile Phone System) lan TACS.[1][2][3] Tèknologi 1G diawiti ing taun 1980.[4] Tèknologi sistem analog ana ing 1G nggunakaké Digital Signaling (cara Jawa: Sinyalan Dhigital).[3] Analog mono sawijining cara mindhah informasi lumantar jaringan télékomunikasi.[3] Tèknologi 1G namung bisa nglayani komunikasi lumantar swara.[1][2][3] Tèknologi iki panggunané wis digantèni déning 2G, 3G, 4G, lan 5G.[2][3]

Tèknologi 1G ana kurangé, kaya ta winatesé momotan sistem.[3] Masalah mangkono amarga 1G isih nganggo FDMA kanggo aksès dhobel, kamangka FDMA matesi kanalé mung kanggo palanggan siji. Sanajan palanggan ora lagi ngirim informasi, kanalé ora bisa digunakaké palanggan liyané.[3] Iku dumadi terus-terusan nganti pungkasé obrolan.[3] Tèknologiné kang ngrembaka ora cocog siji karo liyané, prakara iku mulané matesi obahing palanggan awit mung bisa nganggo ing jaringan sing padha (ora bisa ngambah jaringan liya).[3] Masalah liyané ya iku 1G mung mènèhi fasilitas komunikasi swara. Sistem kamanané uga kurang amarga isih nggunakaké modhulasi analog (FM).[3]

Réferènsi[besut | besut sumber]

  1. a b c 4G America. "Understanding 1G vs. 2G vs. 3G vs. 4G" (ing basa Inggris). 
  2. a b c PASEBAN. "Macam-macam Jaringan pada GSM" (ing basa Indonésia). 
  3. a b c d e f g h i j Mobile Indonesia. "Generasi Pertama (1G)" (ing basa Indonésia). 
  4. Generations of Wireless Communication. (From 0G to 5G) | Abhi (dipunundhuh 19 Juli 2017).