Èksperimèn Hershey-Chase

Saka Wikipédia Jawa, bauwarna mardika basa Jawa
Jump to navigation Jump to search
Gambaran èksperimèn

Èksperimèn Hershey-Chase iku wujud sèri èksperimèn sing diayahi ing taun 1952 déning Alfred Hershey lan Martha Chase, nuduhaké yèn DNA iku material genetika, sing pisanan dituduhaké ing taun 1944 déning Èksperimèn Avery-MacLeod-McCarty. Sawetara DNA wis dimangertèni kanthi cetha déning para biologis wiwit taun 1869, wektu iku akèh-akèhé ngira yèn protéin sing gawa informasi kanggo sipat sing diwarisaké.

Hershey lan Chase nganakaké èksperimèné ing T2 phage, sawijining virus sing strukturé saiki bisa dideleng nganggo mikroskop èlèktron. Phage iki dumadi saka mung siji shell protéin, isi material genetikané. Phage nulari (infects) bakteri kanthi cara nèmpèl ing mèmbran njaba lan nyuntikaké material genetikané, njalari mesin genetika bakteri mrodhuksi virus luwih akèh, nyisakaké kulité (shell) sing kothong nèmpèl ing bakteri.

Gambaran struktural T2 phage

Sajeroning èksperimèn sing pisanan, para paneliti iki mènèhi label marang DNA saka phages nganggo Phosphorus-32 radioaktif (èlemèn phosphor ana ing DNA nanging ora ana siji-sijia ing 20 asem amino saka ngendi protéin mau digawé). Èksperimèn ngidinaké phages nulari E. coli, banjur kulit protéin dijupuk saka sèl sing wis ditulari nganggo blèndher lan piranti centrifuge. Pungkasané tinemu yèn panjejak radioaktif (radioactive tracer) bisa katon mung ing sèl bakteri lan ora ing kulit protéin.

Ing èksperimèn kapindho, para paneliti mau maringi label marang phages nganggo Sulfur-35 radioaktif (Sulfur utawa welirang ana sajeroning asem amino Cysteine lan Methionine, nanging ora ana ing DNA). Sawisé pamisahan, panjejak radioaktif (radioactive tracer) tinemu ing kulit protéin, nanging ora tinemu ing bakteri sing wis ditulari, nuduhaké yèn material genetika sing nulari bakteri iku DNA.

Hershey nampa bebungah Nobel Fisiologi utawa Obat-obatan ing taun 1969 kanggo panemuané ing babagan "struktur genetika virus.”

Uga delengen[besut | besut sumber]

Wacan[besut | besut sumber]

Cithakan:Sajarah biologi