Zhang Ziyi

Saka Wikipédia Jawa, bauwarna mardika basa Jawa
Ziyi Zhang

Jeneng Cina 章子怡
Pinyin Zhāng Zǐyí (Mandarin)
Asal People's Republic of China
Lair (1979-02-09) Fèbruari 9, 1979 (umur 45)
22px|border Beijing, China
Pakaryan Aktris
Taun aktif 1996-saiki
Situs resmi www.helloziyi.com

Zhang Ziyi (章子怡; pinyin: Zhāng Zǐyí); lair ing Beijing, 9 Fèbruari 1979; umur 45 taun) iku aktris saka Tiongkok kang menangaké BAFTA lan Golden Globe, dhèwèké miwiti kariré ning Hollywood.[1] Kualitas akting-aktingé ning filem kang sasuwené iki dibintangi bisa sukses ning donya.[1] Salah sijiné aktingé kang sukses ya iku aktingé nalika mainaké peran dadi Sha-Long ning filem CROUCHING TIGER, HIDDEN DRAGON, filem kang diputer nalika taun 2000.[1]

Ning taun 1996, debut filemé kang diwènèhi judhul TOUCHING STARLIGHT.[1] filem kang ddiproduksi déning stasiun TV karo banda kang ora akèh.[1] Sawisé iku, ning umur kaping 19 taun tepaté ning taun 1999, Zhang olih tawaran saka sutradara Zhang Yimou, kanggo mbintangi filem THE ROAD HOME, filem kang akiré menangaké Silver Bear Award 2000 ning Berlin Film Festival.[1]

Kasuksesané tambah dadi perhitungan nalka dhèwèké mbintangi filem kaping teluné , CROUCHING TIGER, HIDDEN DRAGON, filem kang dirilis nalika taun 2000 iku bisa nggondol panghargaan The Independent Spirit's Best Supporting Actress Award lan the Toronto Film Critics' Best Supporting Actress Award.[1] Ora namung iku, filem mau uga bisa menangaké Golden Globe Awards ning taun 2006 lan BAFTA Awards nin taun 2001.[1]

Ziyi akiré ijrah maring dinya filem Hollywood, lan filem kaping pisanané iku judhulé RUSH HOUR 2, dhèwèké mbintangi filemkasebut bebarengan karo aktor kondhang Jackie Chan.[1]

Nyusul, filem-filemé kang wis sukses sadurungé, kaya ta filem HERO 2002, PURPLE BUTTERFLY (2003) lan MEMOIRS OF A GEISHA (2005).[1] Film-filemé kang paling akir uga bisa diomong sukses sawisé bisa lumebu ning nominasi BAFTA Awards kanggo kategori best aktris.[1]

Ning taun 2010, Zhang Ziyi karo Aaron Kwok mainaké peran bebarengan ning filem kang judhulé THE ERA OF MAGIC.[2] Ning filem mau, dhèwèké bakal dipasangaké karo Aaron Kwok kanggo meranaké pasangan kang kena lelara AIDS.[2] Film kang disutradarani sutradara Gu Changwei iki diadaptasi saka novèl kang nyaritakaké kisah asmara kang tragis, babagan wong loro kang kena lelara AIDS.[2] Nyaritakaké babagan Kwok kang meranaké guru SD kang dipindahaké maring désa, dhèwèké duwé lelara AIDS lan ketemu karo wanita kang uga pasien AIDS.[2]

Ziyi diarepaké déning sutradarané supaya filem kang bakal dirilis iki bakal sukses maring box office amarga katenarané Ziyi.[2] Kang dadi bintang filem ning filem iki saliyané Ziyi ya iku, Pu Cunxin, Cai Guoqing, Li Xuejian lan Li Danyang, kabèh bintang mau dadi ambassador kampanye anti-AIDS.[2]

Cathetan suku[besut | besut sumber]

  1. a b c d e f g h i j k Biografi Zhang Ziyi dipununduh tanggal 17 Agustus 2011
  2. a b c d e f berita Zhang Ziyi dipununduh tanggal 17 Agustus 2011