Vietnam Lor

Việt Nam Dân chủ Cộng hòa Democratic Republic of Vietnam ← 1954 – 1976 → Gendéra Lambang Motto Độc lập - Tự do - Hạnh phúc (Kamardikan-kabébasan-kabungahan) Lagu kabangsan Tiến Quân Ca (Mars Tentara) Lokasi Vietnam Lor Ibu kutha Hanoi Basa Vietnam Agama Sacara resmi Ateis; Budha Pamaréntahan Negara sosialis Negara komunis Présidhèn  - 1945–1969 Hồ Chí Minh Sekretaris Jendral  - 1960–1986 Lê Duẩn Era sajarah Perang Dingin  - Proklamasi kamardikan 2 September 1954  - Vietminh reenters Hanoi 10 Oktober 1954  - PAVN enters Saigon 30 April 1975  - Lor gabung karo Kidul mbentuk "Républik Sosialis" 2 Juli 1976 Jembar  - 1960 157.880 km² (60.958 sq mi) Populasi  - Perkiraan 1960 15.916.955       Kapadhetan pedunung 100,8 /km²  (261,1 /sq mi)  - perkiraan 1974 23.767.300       Kapadhetan pedunung 150,5 /km²  (389,9 /sq mi) Valuta đồng

Républik Démokratik Vietnam (RDV) (basa Vietnam: Việt Nam Dân Chủ Cộng Hòa), biasa ditepungi minangka Vietnam Lor, iku sawijining negara sing didegaké déning Ho Chi Minh lan diakoni déning Républik Rakyat Cina lan Uni Sovyèt taun 1950. Sawisé kakalahan Prancis jroning Paperangan Dien Bien Phu nalika taun 1954, Prancis sacara resmi ngakoni kadhulatan negara kasebut lan negara iku banjur kapecah dadi loro; sijiné manèh Vietnam Kidul.

Sawisé pamecahan kasebut, akèh warga ing Lor sing mlayu menyang Kidul, akèh-akèhé saka wong mau iku umat Katulik sing ngeklaim yèn pamaréntah Lor duwé kawicaksanan sing ora adil marang pameluk agama kasebut.

Ibu kutha Vietnam Lor ana ing Hanoi lan dipréntah déning pamaréntahan komunis sing éntuk dhukungan saka Uni Sovyèt lan Républik Rakyat Cina. Kaloro negara iki mbiyantu Vietnam Lor nalika dumadiné Perang Vietnam nglawan Amérika Sarékat lan Vietnam Kidul.

Sawisé tibané pamaréntah Vietnam Kidul tanggal 30 April 1975, kaloro negara iki sacara resmi manunggal nalika tanggal 2 Juli 1976 dadi sawijining negara kanthi jeneng Républik Sosialis Vietnam utawa sing biasané ditepungi minangka Vietnam.