Vicky Shu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Vicky Shu

Vicky Veranita Yudhasoka utawa kang luwih ditepungi kanthi jeneng Vicky Shu (lair ing Cilacap, 8 Juli 1987; umur 27 taun).[1] Vicky Shu iku salah sijiné penyanyi kang asalé saka Indonésia.[1] Nalika tahun 2010, Vicky Shu nggawé album solo kang judhulé "Drink Me".[1] Album iki nduwé lagu andhelan kang judhulé "Mari Bercinta 2". Vicky Shu kerep nyanyi ing acara-acara musik kang disiyaraké ing tivi.[1] Saliyané nyanyi, Vicky Shu uga isa dolanan gitar.[1]

Vicky Shu iku salah sijiné finalis Miss Indonesia 2007 kang makili Provinsi Jawa Tengah.[1] Vicky Shu éntuk gelar Miss kulit kang paling endah.[2] Vicky Shu iku anak wadon pambarep saka pasangan Dicky Yudhosoko lan Hj Faiza Aljufri.[1] Vicky Veranita Yudhasoka Shu iku nduwèni hobi maca, nonton DVD, lan travelling.[1] Vicky uga nduwèni hobi nembang wiwit cilik.[1] Saliyané bisa dolanan gitar, Vicky uga bisa dolanan piano, lan drum.[1]

Vicky sinau nyanyi kanthi cara otodidak.[1] Vicky wiwit seneng nyanyi sawisé nonton filmé Judy Garland kang judhulé The Wizard of Oz.[1] Film iki kalebu salah sijnié film klasik kang diprodhuksi taun 1939.[1] Pengalaman nyanyi ing panggung iku ditampa Vicky nalika sekolah ing kelas 3 SD YKPP 1 Cilacap.[1] Saliyané iku Vicky uga tau lès piano lan dolanan lagu-lagu klasik ngganggo piano.[1]

Cathetan sikil[sunting | sunting sumber]

  1. ^ a b c d e f g h i j k l m n o (id)tabloidbintang.com(diundhuh tanggal 5 September 2011)
  2. ^ (id)slidegossip.com(diundhuh tanggal 5 September 2011)
Sumber artikel punika saking kaca situs web: "http://jv.wikipedia.org/w/index.php?title=Vicky_Shu&oldid=832527"