Tyrannosaurus Rex

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tyrannosaurus Rex
Temporal range: Late Cretaceous, 67–65.5 Ma
Cast of a specimen nicknamed "Stan" (specimen BHI 3033), at Manchester Museum
Klasifikasi èlmiah
Sinonim
Tyrannosaurus-Rex

Tyrannoraurus-Rex utawa Tyrannosaurus (basa Yunani : "Tyrannos" artine tiran, lan "saurus" sing artine kadal; tambahan "Rex" sing artine raja) sing biasane disingkat T-Rex yakuwi salah siji dinosaurus saka genus theropoda sing ngadeg nanggo sikil loro.[1] Dinosaurus iki kalebu dinosaurus karnivora (mangan daging) paling gedhe iing jamane.Kewan iki diprakirakake urip nalika periode kapur antara 67 nganti 65 yuta taun kepengker.[1] T-Rex kuwi salah siji ing antarane kewan dinosaurus non-unggas sing terakhir ana sadurunge prastawa kepunahan ing jaman Cretaceous-Tersier.[1] Kayadene Tyrannosauroid liyane,Tyrannosaurus iku karnivora sikil loro sing duwe tengkorak gedhe lan diimbangi karo buntut sing dawa lan abot.[2] Tyrannosaurus duwe tangan loro ing ngarep awake.[2] Tangan cilik T-Rex duwe rong driji sing saben salah sijine dijangkepi cakar.[2] Sanajan isih akeh Theropoda liya sing awake luwih gedhe saka Tyrannosaurus Rex,nanging ing ukuran semono,Tyrannosaurus Rex kalebu salah sijining predator dharat sing dikenal paling gedhe.[2] Dawane sawetara 12,8 meter (42 kaki) lan 4 meter (13 kaki) dhuwure.[2]Abote kira-kira 6,8 metrik ton.[2] Luwih saka 30 spesimen sing ditemokake wis diidhentifikasi lan ing antarane ana sing meh jangkep.Ing salah sijining spesimen ditemokake yen wis ana jaringan lunak lan proteine.

Sejarah[sunting | sunting sumber]

Henry Fairfield Osborn,Presidhen saka American Museum of Natural Hystory njenengi Tyrannosaurus Rex ing taun 1905.[3] Nama Tyrannosaurus kabentuk saka rong tembung bahasa Yunani yaiku tyrannos sing artine tiran,lan Sauros sing artine kadal.[3]

Panemon Pisanan[sunting | sunting sumber]

Untu saka apa sing saiki didokumentasikake minangka Tyranosaurus Rex ditemokake sepisanan dening A. Lakes ing cedhake Golden,Colorado.[4] Ing taun 1890-an,JB Hatcher ngumpulake fosil-fosil tengkorak njaba ing wetan Wyoming.[4] Fosil-fosil mau dipitaya mingnaka fosile Ornithomimus (O. grandis),nanging saiki dianggep fosile Tyrannosaurus Rex.[4]Fragmen balung burine sing ditemokake dening DE. Cope ing sisih kulon South Dakota ing taun 1892 lan dijenengi gigas Manospondylus uga wis diakoni minangka duweke Tyrannosaurus Rex.[4] Barnum Brown,asisten kurator saka Museum Sejarah Alam Amerika,nemokake wrangka parsial pisanan saka Tyrannosaurus Rex ing wetan Wyoming ing taun 1900. HF Osborn asline njenengi kerangka iki Dynamosaurus imperisus ing kertas nalika taun 1905. Brown nemokake wrangka parsial liane ing Hell Creek Formation ing Montana taun 1902. Osborn migunakake holotipe iki kanggo nggambarake Tyrannosaurus rex ing koran kang padha karo koran sing nerbitake gambare Dynamosaurus imperiosus.[3] Ing taun 1906,Osborn ngakoni yen saklorone kuwi sinonim lan nyebut awake dhewe minangka revisor sing milih jeneng Tyrannosaurus minangka nama sing valid.[5] Saiki,materi asli Dynamosaurus disimpen ana ing koleksi Sejarah Alam ,London.[6] Sejatine,Brown nemokake limang wrangka Tyrannosaurus parsial.[7]Ing taun 1941,panemuane Brown diadol marang Museum Sejarah Alam Carnegie ing Pittsburg,Pennsylvania.[7] Brown nemokake fosil sing kapapat lan sing paling gedhe uga ing Hell Creek,sing dipamerake ing Museum Sejarah Alam Amerika ing New York.[7] Sanajan ana akeh fosil Tyrannosaurus sing ditemokake,nanging mung ana siji sing wis didokumentasikake (paling lengkap, yaiku ing Philmount Scout Ranch ing sebelah lore New Mexico.[7]Fosil iki ditemokake ing taun 1983 lan diidhentifikasi lan didokumentasikake ing taun 1994.[7]

Dhaftar Pustaka[sunting | sunting sumber]

  1. ^ a b c {{en}Hicks, J.F., Johnson, K.R., Obradovich, J.D., Tauxe, L. and Clark, D. (2002). "Magnetostratigraphy and geochronology of the Hell Creek and basal Fort Union Formations of southwestern North Dakota and a recalibration of the Cretaceous–Tertiary Boundary", in J.H. Hartman, K.R. Johnson & D.J. Nichols (eds.), The Hell Creek Formation and the Cretaceous–Tertiary boundary in the northern Great Plains: An integrated continental record of the end of the Cretaceous. GSA Special Paper, 361: 35–55}
  2. ^ a b c d e f {{en}http://paleobiol.geoscienceworld.org/cgi/content/abstract/25/1/88}
  3. ^ a b c {{en}http://digitallibrary.amnh.org/dspace/handle/2246/1464}
  4. ^ a b c d {{en}http://gsa.confex.com/gsa/2005AM/finalprogram/abstract_96150.htm}
  5. ^ {{en}http://digitallibrary.amnh.org/dspace/handle/2246/1473}
  6. ^ {Breithaup, BH; Southwell EH, Matthews NA (2006). "Dynamosaurus imperiosus and the earliest discoveries of Tyrannosaurus rex in Wyoming and the West". New Mexico Museum of Natural History and Science Bulletin 35: 257–258.}
  7. ^ a b c d e {{en}Horner, John R.; Don Lessem (1993). The complete T. rex. New York City: Simon & Schuster. ISBN 0-671-74185-3.>


Sumber artikel punika saking kaca situs web: "http://jv.wikipedia.org/w/index.php?title=Tyrannosaurus_Rex&oldid=830308"