Tangkaran

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
3 × 4 = 12, dadi rolas titil bisa disusun jroning telung larikan saka patang lajur (utawa patang lajur sing isi telung larikan).

Tangkaran [1]utawa lumrah uga disebut ping-pingan iku operasi matématika penskalaan sawiji wilangan karo wilangan liya. Operasi iki arupa salah siji saka papat operasi dhasar jroning aritmetika dhasar (sing liyané ya iku panambahan, pangurangan, lan paran).

Tangkaran kadhéfinisi tumrap kabèh wilangan jroning suku-suku panambahan sing dibolan-balèni; umpamané, 3 ditangkaraké 4 (kerep diwaca "3 ping 4") bisa diétung kanthi nambahaké kaping 3 saka wilangan 4:

3 \times 4 = 4 + 4 + 4 = 12.\!\,

Tangkaran wilangan rasional (pecahan) lan wilangan real didefinisi déning géneralisasi (perumumam') gagasan dhasar iki.

Tangkaran bisa uga digambaraké minangka pencacahan obyèk sing disusun jroning pesagi dawa (kanggo kabèh wilangan) utawa kaya déné nalika nemtokaké jembar pesagi dawa sing sisi-sisiné mènèhi dawa (kanggo wilangan sacara umum). Balikan saka tangkaran ya iku paran: nalika 3 ping 4 padha karo 12, banjur 12 dipara 3 padha karo 4.

Tangkaran digéneralisasi menyang jinis wilangan liya (umpamané wilangan komplèks) lan menyang konstruksi sing luwih abstrak kayadéné matriks.

Matématika minangka èlmu dhasar sing ndhasari kabèh panrapan jroning kauripan nyata. Conto panrapan nyata ya iku jroning babagan mèdhis. Nalika kita antuk obat saka dhokter 3x1 maknané kaping 3 jroning sedina (ésuk, awan, bengi) saben wektu 1 (pil). Dudu suwaliké, ping 1 jroning sedina 3 (pil).

Bab iki perlu diwigatèkaké amarga prosèsé béda banget antara 3x2 lan 2x3. Kerep kita fokus marang asilé sing padha=padha 6. Panjelasan jroning bidang mèdis bakal cetha banget: 3x2 tegesé kaping 3 jroning sedina saben wektu 2 (pil) déné 2x3 tegesé kaping 2 jroning sedina saben wektu 3 (pil). Kanthi mangkono, penjabaran jroning panambahan : 3x2 = 2 + 2 + 2; déné 2x3 = 3 + 3.

Panekanan prosès iki minangka kewajiban tumrap para guru lan panulis buku ngenani tangkaran. Prosès iki akan konsisten kanggo dipatrapaké jroning bidang saliyané mèdhis. Contoné jroning ékonomi, 4 anak tuku 1 buku @ Rp. 1.000. Panulisan jroning wangun tangkaran ya iku : 4 x Rp. 1.000. Panulisan jroning wangun panambahan ya iku : Rp. 1.000 + Rp. 1.000 + Rp. 1.000 + Rp. 1.000.

Rujukan[sunting | sunting sumber]

  1. ^ Kamus Basa Jawa Balai Bahasa Yogyakarta Penerbit Kanisius Yogyakarta kaca 762 ISBN 979-672-990-3

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Tangkaran&oldid=833306"