Prunggu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
gambar Perkakas Prunggu


Prunggu yaiku campuran tembaga karo unsur kimia liya, biasane karo timah, senajan uga bisa karo unsur-unsur liya kaya fosfor, mangan, alumunium, utawa silikon.[1] Perunggu sifate atos lan kerep digunakake ing industri.[1] Jaman biyen perunggu penting banget, malah nganti ana jaman sing diarani jaman perunggu.[1]

Sujarahe Perunggu[sunting | sunting sumber]

Ditemokake perunggu nggawe manungsa bisa nggawe perkakas-perkakas perunggu sing luwih apik tinimbang kabeh piranti sing digawe ing jaman sadurunge.[1] piranti-piranti, senjata, lan material wangunan liyane sing digawe saka perunggu bisa luwih atos lan luwih awet tinimbang piranti sadurunge sing digawe saka watu lan tembaga.[1] Pisanane perunggu dicampur karo arsenik kanggo nggawe perunggu arsenik.[1] Sabanjure timah sing digunakake lan timah nggantekake posisi arsen ing akhir abad kaping telu sadurunge masehi.[1]

Perunggu Timah luwih apik dibandingke perunggu arsenik amerga proses gawene luwih gampang.[1] Saliyane kuwi, timah uga ora ngracuni, yen dibandingake karo arsen sing ngandut racun.[1]

Perunggu saka timah sing paling tuwa dikira-kira wis ana aket milenium kaping papat sadurunge masehi ing Susa (Iran) lan ing situs kuno-situs kuno ing China, Luristan (Iran) lan Mesopotamia (Irak).[1]

Logam Prunggu[sunting | sunting sumber]

Yen dibanduingke karo wesi, prunggu luwih gampang rusak timnimbang wesi. biasane prunggu mung ngoksidasi dangkal; lapisan sepisan oksida tembaga (akhire dadi karbonat tembaga) digawe, logam sing ndhasari kalindhung saka korosi sing parah. Nanging, yen klorida tembaga kabentuk, modhel korosi kuwi diarani "Penyakit Prunggu" sing keri-kerine bakal ngrusak prunggu kuwi.


Prunggu sing ana campurane tembaga duwe titik leleh sing luwih cendhek saka baja utawa wesi, lan luwih gampang digawe. Umume sekitar 10 % luwih abot tinimbang baja, senajan kandutan alumunium utawa silikon menawa sitik lan ora padet. Prunggu sing luwih empuk lan luwih gampang tugel saka baja prunggu mata air, kaya kurang kaku kanggo bobot sing padha.

Prunggu ora gampang teyengen (teyengen amerga banyu laut utamane) lan mawa konduktor panas sing lluwih apik tinimbang baja lan listrik sing biasane. Biaya prunggu campuran tembaga biasane kuwih dhuwur saka baja lan luwih murah tinimbang prunggu campuran nikel dhasar.

Titik leleh prunggu macem-macem, gumantung saka rasio aktual saka komponen campurane lan sekitare 950 ° C (1,742 ° F).

Cathetan Suku[sunting | sunting sumber]

  1. ^ a b c d e f g h i j (id)Perunggu (dipunundhuh tanggal 3 September 2012)

Sumber artikel punika saking kaca situs web: "http://jv.wikipedia.org/w/index.php?title=Prunggu&oldid=834153"