Osteoarthritis
| Osteoartritis | |
| Klasifikasi lan bahan-bahan èksternal | |
 |
|
|---|---|
| ICD-10 | M15-ICD-10 Chapter M|M19, ICD-10 Chapter M|M47 |
| ICD-9 | 715 |
| OMIM | 165720 |
| DiseasesDB | 9313 |
| MedlinePlus | 000423 |
| eMedicine | med/1682 orthoped/427 pmr/93 radio/492 |
| MeSH | D010003 |
Osteoartritis (OA, dikenal uga minangka artritis degeneratif, penyakit degeneratif sendhi), yakuwi kondisi nalika sendhi krasa nyeri akibat saka inflamasi ringan sing timbul saka anané gèsèkan pucuking balung panyusun sendhi.
Jroning sawijining sendhi, jaringan balung enom (basa Indonésia: tulang rawan) sing biasa disebut kanthi jeneng ‘’kartilago’’ biasané nutup pucuking balung panyusun sendhi. Sawijining lapisan cuwèran sing disebut cuwèran sinovial dumunung ing antara balung-balung kasebut lan tumindak minangka bahan pelumas sing nyegah ujung-ujung balung kasebut gèsèkan lan silih ngikis antara siji lan sijiné.
Jroning kondisi kakurangan cairan sinovial lapisan kartilago sing nutup ujung balung bakal gèsèkan siji lan sijiné. Gèsèkan kasebut bakal agaw’e lapisan kasebut tansaya tipis lan wusanané bakal nimbulaké rasa nyeri.
Bab lan Paragraf |
[sunting] Panyebab
Saben wong mesthi naté ngalami nyeri sendhi. Masyarakat awam lan malahan sawetara dhokter (sacara keliru) langsung nganggep disebabaké déning rematik utawa asam urat.Sebagéan manèh mikir akibat osteoporosis. Nanging nyatané panyebab utama nyeri sendhi (khususé sing dialami déning sing umur luwih saka 45 taun) yakuwi osteoartritis. Panyebab osteoartritis werna-werna. Sawetara panelitèn nuduhaké anané hubungan antara osteoarthritis karo reaksi alergi, infeksi, lan invasi fungi (mikosis). Riset liya uga nuduhaké anané faktor katurunan (genetik) sing terlibat jroning panurunan penyakit iki. Sawetara faktor risiko dumadiné osteoartritis yakuwi:
- Wanita umur luwih saka 45 taun
- Keluwihan bobot
- Aktivitas fisik sing kakèhan, kayadéné para olahragawan lan pekerja kasar
- Kelemahan otot pupu
- Naté ngalami patah balung ing saubengé sendhi sing ora dirawat kanthi bener
[sunting] Pangobatan
Rasa nyeri sing diderita déning pendherita penyakit iki bisa dikurangi nganggo manéka cara kaya pengomprèsan utawa panyuntikan cuwèran sinovial ing bagéan sendhi. Pangobatan tumrap pengapuran sendhi béda-béda gumantung stadiumé.
[sunting] Osteoartritis derajad ringan (stadium 1 lan 2)
- mudhunaké bobot awak tumrap sing keluwihan
- latihan nguataké otot pupu lan pinggul kanggo njaga kebugaran awak
- nganggo knee brance samangsa diperlokaké
- obat antiradang lan nyeri
- suplemen kanggo nuwuhaké balung enom
- obat pelumas sendhi sing disuntikkan menyang sendhi
[sunting] Osteoartritis derajad abot (stadium 3 lan 4)
Pilihan pangobatan paling apik yakuwi operasi penggantian sendhi. Operasi penggantian sendhi yakuwi operasi sing diayahi kanggo ngganti sendhi sing wis rusak nganggo prostesis.
[sunting] Pencegahan
Pencegahan osteoartritis bisa diayahi kanthi cara konsumsi makanan sing kebak gizi.Sawetara suplemen panganan uga bisa dipigunakaké kanggo nyegah penyakit iki. Sawetara suplemen sing umum dipigunakaké antara liya glukosamin lan kondroitin.
[sunting] Glukosamin
Glukosamin iku molekul gula amino sing biasa ana ing kulit krustasea (ulang-ulangan), artropoda, lan dhindhing sel cendawan. Ing Indonesia, glukosamin bisa dijupuk langsung saka suplemen panganan komersial utawa ombènan susu tersuplementasi.
[sunting] Kondroitin
Kondrotin iku suplemen panganan sing biasa dipigunakaké bebarengan karo glukosamin. Kondroitin iku arupa senyawa rantai gula mawa cawang sing nyususun balung rawan. Ing Indonesia, kondroitin bisa dijupuk langsung saka suplemen panganan.
[sunting] Pranala jaba
- Cartilage Health {The Cartilage Health Website provides accessible information for anyone wanting to learn more about the prevention, repair and rehabilitation of articular cartilage injury.}
- Osteoarthritis The Arthritis Foundation
- Arthritis Care major UK charity
- Osteoarthritis fact and fiction at osteoarthritisoa.com
- WebMDHealth: Osteoarthritis Basics at WebMD
- MedicineNet.com: Osteoarthritis at medicinenet.com
- MedlinePlus: Osteoarthritis at National Institutes of Health
- Osteoarthritis Clinical Trials Resource at oatrial.com
- Overview at University of Maryland
- [1] (Physician submitted articles) - research based arthritis articles by physicians at arthritismd.com
- Focuses on living with arthritis with links to support groups in 16 different countries at paremanifesto.org
- BBC Coverage of Autologous Chondrocyte graft in UK
- UK Health Charity covers Autologous Chondrocyte grafts
