Mohamed Boudiaf

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Mohamed Boudiaf
محمد بوضياف
Mohamed Boudiaf

Mangsa jabatan
14 Januari 1992 – 29 Juni 1992
Pejabat sadurungé Chadli Bendjedid
Pengganti Ali Kafi

Lair 23 Juni 1919
Ouled Madhi, Aljazair
Tilar donya 29 Juni 1992 (umur 73)
Annaba, Aljazair
Partai pulitik Front de Libération Nationale
Pasangan Fatiha Boudiaf
Agama Islam

Mohamed Boudiaf (Basa Arab: محمد بوضياف‎, utawa misuwur uga kanthi jeneng sesinglon Si Tayeb El-Watani (سي الطيب الوطني) (lair ing Ouled Madhi, Aljazair, 23 Juni 1919 – tilar donya ing Annaba, Aljazair, 29 Juni 1992 kanthi umur73 taun), iku sawijining pamimpin pulitik Aljazair lan salah sijining pangadeg partai revolusionèr Front de Libération Nationale (FLN), kang nduwé peran wigati jroning Perang Kamardikan Aljazair (1954–1962).

Ing mangsa kolonial Prancis, dhéwèké mèlu klompok paramilitèr rahasia anama Organisation Spéciale (OS). Boudiaf nduwé tanggung-jawab ngatur jaringan organisasi iki ing wilayah Sétif, nimbun senjata, ngumpulaké béaya lan nyiapaké pasukan gerilya. Amerga iku dhéwèké diukum in absentia 10 taun kunjara déning pamaréntah kolonial Prancis, nanging dhéwèké lunga minggat. Ing tanggal 1 November 1954, Front de Libération Nationale (FLN) molai nglancaraké serangan militèr gedhé-gedhéan marang Prancis. Boudiaf sing saiku wis dadi sawijining pamimpin utama partai iku, banjur nerusaké nyambut gawé saking Kairo lan negara-negara tanggané Aljazair. Ing taun 1956, dhéwèké karo Ahmed Ben Bella lan liya-liya pamimpin FLN ketangkep tentara Prancis nalika aksi kontrovèrsial pambajakan montor mabur. Boudiaf banjur dikunjara ing negara Prancis. Senadyan mengkana, dhéwèké tau diusung FLN dadi mentri pamaréntahan ing pangasingan, lan tetep njabat posisi iku nganthi taun 1961. Boudiaf ora diuculaké saking pakunjaran nganthi mèh waé Aljazair mardhika ing taun 1962.

FLN tibaké kapisah dadi fraksi-fraksi sing pada saingan nalika pasukan kolonial Prancis mundur saka tlatah Aljazair. Boudiaf sempet ngadegaké partai oposisi 'ngisor lemah', Parti de la Révolution Socialiste (PRS), sing ndèrèk mbrontak marang pamaréntahan FLN sing saiku wis dadi partai panguwasa tunggal ing negara iku. Boudiaf kapeksa urip jroning pangasingan ing Maroko. Ing awal taun 1992, sawisé 27 taun pangasingané, klompok militèr ngundang dhéwèké tampil dadi kepala Dhéwan Dhuwur Negara Aljazair (Haut Comité d'État). Dhéwèké nrima lan dadi tokoh simbul sing ngwakili junta militèr, nurutaké pambatalan asil pamilian umum sing mèh menangaké partai Islamis, Front Islamique du Salut (FIS).

Ing tanggal 29 Juni 1992, mangsa jabatan Boudiaf sebagé kepala Dhéwan Dhuwur Negara kandheg amerga dhéwèké diperjaya déning pengawal pribadhiné dhéwé, nalika pidhato ing televisi jroning acara paresmian pusat kabudhayan kutha Annaba. Prastawa iku kadadèn ing kunjungan kanegaraan pisanané ing luwar kutha Aljir sawisé dhéwèké njabat kepala negara Aljazair. Kedadéan pépaten iku nggawé rasa kagèt sanget kanggo kabèh masarakat Aljazair, lan dadi prakara wigati sing tansah kélingan ing sajarahé negara iku.

Wacanan[sunting | sunting sumber]

  • Achour Cheurfi, La classe politique algérienne, de 1900 à nos jours. Dictionnaire biographique (Casbah Editions, 2nd edition, Algiers 2006)
Sing mengku  sadurungé:
Chadli Bendjedid
Kepala Dhéwan Dhuwur Negara
1992
Diganti déning:
Ali Kafi
Sumber artikel punika saking kaca situs web: "http://jv.wikipedia.org/w/index.php?title=Mohamed_Boudiaf&oldid=836240"