Michaél Carrick

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Michael Carrick

Michael Carrick (lair ing Wallsend, Tyneside, 28 Juli 1981; umur 32 taun) inggih menika pemain bal-balan saking Inggris.[1][2] Samenika Carrick main ing klub liga Inggris Manchester United (MU) lan nggadhahi posisi minangka gelandhang.[1][2] Carrick sampun ngolèksi langkung saking 300 adu tandhing ing Liga Inggris, 50 adu tandhing ing Liga Champions UEFA ngantos April 2011.[1] Carrick angsal julukan the next Scholes amargi keprigelanipun nalika bal-balan mèmper kaliyan Paul Scholes.[2]

Carrick miwiti kariripun ing klub West Ham United mlebet ing tim junior taun 1997 lan kasil kaping kalih dados jawara ing Piala FA Junior. Taun 2004 Carrick gantos dhateng klub Tottenham Hotspur kanthi regi £3.5 yuta.[1] Carrick lajeng gantos dhateng klub Sétan Abrit Manchester United kanthi regi £18,6 yuta.[2]

Carrick misuwur minangka gelandhang ingkang kiyat lan nggadhahi passing ingkang saé lan wigatos dhumateng klub Sétan Abrit.[2] Carrick mbiyantu klub menika saéngga saged dados jawara Liga Inggris ing mangsa sepisanan ing Old Trafford, sadèrèngipun saged ngrebat kalih gelar, gelar Jawara Liga Inggris lan Liga Champions UEFA ing taun 2008.[2] Carrick dados tim utami Manchester United paling boten ing tigang mangsa.[2] Kanthi pambiyantunipun Carrick, MU saged nelukaken FC Barcelona ing final Liga Champions UEFA taun 2009. Amargi Carrick saged main kanthi saé lan konsistèn, déning pelatih Sir Alex Ferguson Carrick dipunpitados minangka tim utami klub Manchester United.[2]

Cathetan suku[sunting | sunting sumber]

  1. ^ a b c d (en)Carrick sweet on Keane's No 16 in new-look United dipunundhuh tanggal 6 Juli 2011)
  2. ^ a b c d e f g h (en)Michael Carrick dipunundhuh tanggal 6 Juli 2011)

Pranala njawi[sunting | sunting sumber]

(en)Michael Carrick

Sumber artikel punika saking kaca situs web: "http://jv.wikipedia.org/w/index.php?title=Michaél_Carrick&oldid=831037"