Mayor

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Disambig.svg

Mayor kuwi pangkat jroning kamilitèran kanggo perwira tingkat menengah. Umumé pangkat iki persis sadhuwuré pangkat Kaptèn lan persisi sangisoré Letnan Kolonèl. Umumé, Mayor kalebu kategori perwira "Level 4" (O-4), senadyan ana uga sistem kang nggolongaké Mayor minangka Level 3 (conto jroning sistem kapangkatan NATO).

Ing Indonesia, Mayor kuwi pangkat paling cendhèk ing jenjang perwira menengah, kang dianugerahaké marang kaptèn kang éntuk promosi munggah pangkat. Pangkat Mayor ing TNI setara karo Komisaris Polisi ing Kepolisian Republik Indonesia (Polri).

Sebutan pangkat iki asalé saka pangkat majoor jroning katentaraan Hindia Walanda utawa het Koninlijke Nederlands(ch)-Indische Leger (KNIL). Wong pribumi Hindia Walanda/Indonesia kang naté ngancik pangkat iki ing jaman semana mung siji, yakuwi Urip Sumohardjo, kang sabanjuré ing jaman perang kemerdekaan Indonesia (1945-1949) mengku jabatan minangka Kepala Staf Tentara Nasional Indonesia (TNI) kanthi pangkat Jenderal Mayor wiwit pembentukan Tentara Keamanan Rakyat, Tentara Republik Indonesia (TRI), nganti séda kanthi pangkat pungkasan Letnan Jenderal ing tanggal 17 November 1948.

Delengen uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Mayor&oldid=820499"