Masjid Babri
| Masjid Babri | |
|---|---|
| Masjd Babri
Gambar Masjid Babri | |
| Koordinat: 26°47′44″N 82°11′40″E / 26.7956°N 82.1945°EKoordhinat: 26°47′44″N 82°11′40″E / 26.7956°N 82.1945°E | |
| Lokasi | Ayodhya, India |
| Madeg | Dipunwangun-1527 Risak taun-1992 |
| Informasi arsitèktur | |
| Arsitèktur | Tughlaq |
Masjid Babri (Basa Urdu: بابری مسجد, basa Hindi: बाबरी मस्जिद), utawi Masjid Babur inggih punika satunggal masjid ingkang dipundamel déning Kaisar Mughal ingkang kapisan India, Babur, ing Ayodhya nalika abad kaping 16 Masehi.[1] Sadèrèngipun warsa 1940-an, masjid punika gadhah nama Masjid-i Janmasthan (masjid papan kalairan).[1] Masjid punika jumeneng ing bukit Ramkot (saged ugi dipunsebat Janmasthan (papan kalairan)).[1] Masjid Babri dipunrisak déning sawatawis 150.000 tiyang saking kaum nasionalis Hindhu ing tanggal 6 Dhésèmber 1992, wonten ing satunggalipun prastawa ingkang sadéréngipun sampun dipunrencanakaken, sanajan sadéréngipun Mahkamah Agung sampun nyegah wontenipun prastawa wau.[2][3]
Kaum nasionalis Hindhu pitados bilih panglima perang Babur, Mir Baki sampun ngancuraken satunggalipun kuil Hindhu ingkang sadéréngipun mapan ing situs masjid, kuil kasebat pinitados dipunyasa kanggé méngeti miyosanipun Rama, inkarnasi saking Wisnu lan ugi panguwaosipun Ayodhya.[3] Ingkang unik masjid punika jéjéran kaliyan kuil rama.[3] Masjid Babri inggih punika masjid ingkang paling ageng ing tlatah Uttar Pradesh, salah satunggalipun praja India ingkang gadhah populasi muslim 31 juta tiyang.[4] Sanajan wonten sawatawis masjid sanèsipun ingkang langkung sepuh ing Kutha Ayodhya, satunggalipun tlatah kanthi populasi muslim ingkang kathah, kalebet Masjid Hazrat Bal ingkang dipundamel ing wekdal jaman raja-raja Shariqi.[4]
Ing salebeting seratan, Communal History and Rama's Ayodhya, Profesor Ram Sharan Sharma nyerat, "Ayodhya punika papan ziarah ngèngingi agami ing jaman kina. Sinaosa ing bab 85 Vishnu Smriti nyerat wonten 52 papan ziarah, kagolong kitha, tlaga, kali, gunung, lan sapanunggalanipun, Ayodhya boten kalebet ing ing seratan punika."[5] Sharma ugi nyebutaken bilih Tulsidas, ingkang nyerat Ramcharitmanas ing warsa 1574 ing Ayodhya, boten njlentrèhaken papan punika boten papan ziarah.[5] Sasampunipun Masjid Babri ambruk, Profesor Ram Sharan Sharma sesarengan kaliyan sejarawan Suraj Bhan, M.Athar Ali lan Dwijendra Narayan Jha nyerat Historian's report to the nation ngengingi kados pundi rakyat gadhah tetingalan ingkang lepat manawi ing papan panggènan kasebat rumiyinipun dipunyasa kuil Hindhu, ugi ngengingi parisakan ingkang kaanggep vandalisme.[6]
Pranala njawi
[besut | besut sumber]- Holy work destroys peace in India - Time Magazine Archived 2005-04-06 at the Wayback Machine.
Cathetan suku
[besut | besut sumber]- ↑ a b c [Sayyid Shahabuddin Abdur Rahman, Babri Masjid, 3rd print, Azamgarh: Darul Musannifin Shibli Academy, 1987, pp. 29-30.]
- ↑ Babri mosque demolition case hearing today dipunundhuh tanggal 21 Agustus 2011)
- ↑ a b c Tearing down the Babri Masjid - Eye Witness BBC's Mark Tully dipunundhuh tanggal 21 Agustus 2011)
- ↑ a b Indian Census dipunundhuh tanggal 21 Agustus 2011)
- ↑ a b Sikand, Yoginder (2006-08-05). "Ayodhya's Forgotten Muslim Past". Counter Currents. Dibukak ing 2008-01-12.
- ↑ Ali (preface by Irfan Habib), M.Athar (2008). Mughal India. New Delhi, India: Oxford University Press. ISBN 978-0195696615.
{{cite book}}: Check date values in:|year=(pitulung)
- Goel, S. R. (2009). Hindu temples, what happened to them. New Delhi: Voice of India.
- Narain, Harsh (1993). The Ayodhya temple-mosque dispute: Focus on Muslim sources. Delhi: Penman Publishers.
- Elst, K. (2002). Ayodhya: The case against the temple. New Delhi: Voice of India.
- Jain, Meenakshi (2013). Rama and Ayodhya. Delhi:Aryan Books International.
Koordhinat: 26°47′44″N 82°11′40″E / 26.7956°N 82.1945°E{{#coordinates:}}: ora bisa luwih saka siji tag utama per kaca
| Artikel iki minangka artikel rintisan. Kowé bisa ngéwangi Wikipédia ngembangaké. |