Masjid Babri

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Masjid Babri
220 px

Gambar Masjid Babri

Koordinat: 26°47′44″N 82°11′40″E / 26.7956°N 82.1945°E / 26.7956; 82.1945Koordinat: 26°47′44″N 82°11′40″E / 26.7956°N 82.1945°E / 26.7956; 82.1945
Lokasi Ayodhya, India
Madeg Dipunwangu - 1527
Risak taun - 1992
Informasi arsitèktur
Arsitèktur Tughlaq

Masjid Babri (Basa Urdu: بابری مسجد, basa Hindi: बाबरी मस्जिद), utawi Masjid Babur inggih menika satunggal masjid ingkang dipundamel déning Kaisar Mughal ingkang kapisan India, Babur, ing Ayodhya nalika abad kaping 16 Masehi.[1] Sadéréngipun warsa 1940-an, masjid menika nggadhahi nama Masjid-i Janmasthan (masjid papan kalairan).[1] Masjid menika jumeneng ing bukit Ramkot (saged ugi dipunsebat Janmasthan (papan kalairan)).[1] Masjid Babri dipunrisak déning sawetawis 150.000 tiyang saking kaum nasionalis Hindu ing tanggal 6 Desember 1992, wonten ing satunggalipun prastawa ingkang sadéréngipun sampun dipunrencanakaken, sanajan sadéréngipun Mahkamah Agung sampun nyegah wontenipun prastawa kasebat.[2][3]

Masjid Babri


Kaum nasionalis Hindu pitados bilih panglima perang Babur, Mir Baki sampun ngancuraken satunggalipun kuil Hindu ingkang sadéréngipun mapan ing situs masjid, kuil kasebat pinitados dipunwangun kangge méngeti miyosanipun Rama, inkarnasi saking Wisnu lan ugi panguwaosipun Ayodhya.[3] Ingkang unik masjid menika jéjéran kaliyan kuil rama.[3] Masjid Babri inggih menika masjid ingkang paling ageng ing dhaérah Uttar Pradesh, salah satunggalipun negari bagian India ingkang nggadhahi populasi muslim 31 juta tiyang.[4] Sanajan wonten sawetawis masjid sanèsipun ingkang langkung sepuh ing Kutha Ayodhya, satunggalipun dhaérah kanthi populasi muslim ingkang kathah, kalebet Masjid Hazrat Bal ingkang dipundamel ing wekdal jaman raja-raja Shariqi.[4]

Ing salebetign seratan, Communal History and Rama's Ayodhya, Profesor Ram Sharan Sharma nyerat, "Ayodhya menika papan ziarah ngèngingi agami ing jaman kina. Sinaosa ing bab 85 Vishnu Smriti nyerat wonten 52 papan ziarah, kagolong kitha, danau, kali, gunung, lan sapanunggalanipun, Ayodhya boten kalebet ing ing seratan menika."[5] Sharma ugi nyebutaken bilih Tulsidas, ingkang nyerat Ramcharitmanas ing warsa 1574 ing Ayodhya, boten njlentrèhaken papan menika boten papan ziarah.[6] Sasampunipun Masjid Babri ambruk, Profesor Ram Sharan Sharma sesarengan kaliyan sejarawan Suraj Bhan, M.Athar Ali lan Dwijendra Narayan Jha nyerat Historian's report to the nation ngengingi kados pundi rakyat nggadahi tetingalan ingkang lepat menawi ing papan panggenan kasebat rumiyinipun dipunwangun kuil Hindu, ugi ngengingi parisakan ingkang kaanggep vandalisme.[7]


Pranala Njawi[sunting | sunting sumber]

Cathetan Suku[sunting | sunting sumber]

  1. ^ a b c (en)[Sayyid Shahabuddin Abdur Rahman, Babri Masjid, 3rd print, Azamgarh: Darul Musannifin Shibli Academy, 1987, pp. 29-30.]
  2. ^ (en)Babri mosque demolition case hearing today dipunundhuh tanggal 21 Agustus 2011)
  3. ^ a b c (en)Tearing down the Babri Masjid - Eye Witness BBC's Mark Tully dipunundhuh tanggal 21 Agustus 2011)
  4. ^ a b (en)Indian Census dipunundhuh tanggal 21 Agustus 2011)
  5. ^ Sikand, Yoginder. "Ayodhya's Forgotten Muslim Past", Counter Currents, 2006-08-05. diaksès tanggal 2008-01-12. 
  6. ^ Sikand, Yoginder. "Ayodhya's Forgotten Muslim Past", Counter Currents, 2006-08-05. diaksès tanggal 2008-01-12. 
  7. ^ Ali (preface by Irfan Habib), M.Athar (2008). Mughal India. New Delhi, India: Oxford University Press. ISBN 978-0195696615.

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Koordinat: 26°47′44″N 82°11′40″E / 26.7956°N 82.1945°E / 26.7956; 82.1945

Sumber artikel punika saking kaca situs web: "http://jv.wikipedia.org/w/index.php?title=Masjid_Babri&oldid=880349"