Krajan (biologi)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sistem telung kingdom.

Ing biologi, sing dimaksud Karajan utawa Regnum (basa Inggris: kingdom) iku tingkatan paling ndhuwur, utawa mèh paling ndhuwur, saka klasifikasi èlmiah makluk urip. Lekasané, mung ana rong karajan: Animalia kanggo kéwan lan Vegetabilia utawa Plantae kanggo tetanduran. Para ahli ing mula bukané uga nglebokaké mineral ing karajan Mineralia. Saben karajan dibagi ing sajroning kelas sing diklumpukaké ing njeron filum (kanggo kéwan) utawa divisi (kanggo tetanduran). Ing mburiné, sapérangan karajan anyar wus dibentuk lan sistem apa kang dipigunaaké durung disepakati.

Nalika makluk urip sel siji ditemokaké, panemon anyar iki dipérang dadi rong karajan: sing bisa obah mlebu filum Protozoa, sauntara alga lan bakteri mlebu divisi Thallophyta utawa Protophyta. Nanging ana sapérangan makluk sing dilebokaké ing filum lan divisi, kaya alga sing bisa obah, Euglena, lan jamur lendir sing mèmper amuba. Amarga anané kabingungan iki, Ernst Haeckel nyaranaké anané karajan katelu, yaiku Protista kanggo nampung makluk urip sing ora duwé ciri klasifikasi sing cetha. Karajan katelu iki lagi populèr saiki (sok nganggo sebutan Protoctista).

Sumber artikel punika saking kaca situs web: "http://jv.wikipedia.org/w/index.php?title=Krajan_(biologi)&oldid=813746"