Kompi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Kompi kuwi tataran satuan militer kang dumadi saka 100 nganti 250 prajurit. Umumé kompi kapérang dadi telu utawa papat peleton, nanging bab iki béda-béda gumantung negara lan jinis satuan anggota kompi. Loro nganti enem kompi biasané diwadhahi jroning sawijining batalyon.

TNI-AD[sunting | sunting sumber]

Komandan Kompi (Dan Ki) biasané diwengku déning prajurit kanthi pangkat Kapten. Jroning satuan infanteri, ana telung werna kompi, kang disarujukaké karo fungsiné, yakuwi Kompi Senapan (Kipan), Kompi Markas (Kima), lan Kompi Bantuan (Kiban). Kompi Senapan disiapaké kanggo operasi lapangan, kanthi dhukungan Kompi Bantuan. Persenjataan Kompi Bantuan luwih abot tinimbang persenjataan Kompi senapan. Saliyané persenjataan perorangan kaya kang digawa déning prajurit Kompi Senapan, persenjataan Kompi Bantuan isih ditambah nganggo senapan mesin sedang (SMS), mitraliur, lan mortir.

Kompi Mandhiri ing lingkungan TNI-AD[sunting | sunting sumber]

Kompi Mandhiri utawa Kompi Berdiri Sendiri dicekak (BS) jroning TNI-AD kuwi ora dumunung ana sangisoré batalyon ananging ana ing sangisoré Divisi, Brigade, Komando Teritorial utawa Badan Pelaksana Khusus (Balakpus) TNI-AD antara liya: Kompi Nubika Direktorat Zeni, Kompi Jihandak Direktorat Zeni ana ing sangisoré komando Direktorat Zeni TNI-AD , Kompi Kavaleri Panser ing Kodam Diponegoro, Udayana, Brawijaya. Conto Kompi berdiri sendiri liyané: Kompi Kesehatan, Kompi Kavaleri Intai, Kompi PHB, Kompi Benghar, Kompi POM-AD ing Divisi Infanteri 2 Kostrad, Kompi Perhubungan ing Korem 072/Pamungkas, lsp.

Negara liya[sunting | sunting sumber]

Angkatan Dharat Inggris biasa njenengaké kompi senapan kanthi aksara (biasané A, B, lan C). Kompi ing Inggris dipimpin déning pangkat Mayor, lan dibantu déning pangkat Kapten. Nanging wiwit Perang Donya II kompi senapan wiwit dipimpin déning Kapten waé.

Jroning militer Amérika Sarékat, kompi infanteri biasa dipérang dadi telung peleton senapan lan siji peleton senjata berat. Kompi tank biasa dumadi saka telung peleton tank lan elemen komando. Kompi infanteri AS uga dipimpin déning prajurit kanthi pangkat kapten.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kompi&oldid=868988"