Kentaur

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kentaur
(Centaur, Κένταυρος, Kentaurus)
Centauro velho - museus capitolinos.jpg
Reca kentaur ing Roma, Italia, digawe saka marmer dening Romawi.
Makhluk
Klompok Makhluk legenda
Subklompok Hibrida
Makhluk sarupa Minotaur, satir, harpi
Data
Mitologi Yunani
Dhaerah Yunani
Habitat Dharat
Pertarungan antarane kentaur lan wong Lapith, relief marmer ing kuil Parthenon, Athena.

Ana ing mitologi Yunani, kentaur (saka basa Yunani: Κένταυρος, "Kéntauros") utawa Sentaur utawa Hippokentaur yaiku makhluk kang wujudé arupa setengah manungsa lan setengah jaran.[1] Ing lukisan vas Attika lan Boiotia awal, kentaur digambarke awujud bagian mburi jaran kang awake ngabung karo awak manungsa genep.[1] Perkembangan sakbanjure penggambaran kenatur yaiku bagean awak manungsa saka sirah nganti tekan boyok kang ngabung karo gumba jaran.[1] Pawujudan separo manungsa lan separo jaran iki ndadekake para panulis kang nganggep kenatur kuwi kalebu ana ing kelompok makhluk liminal, yaiku makhluk kang ana ing rong sifat, diceritakake ing mitos kang kewalikane , yaiku pawujudan ana ing alam liar, kaya nalika para kenatur perang lawan suku Lapith, utawa sakwalike nalika dadi guru, thuladane yaiku Kheiron.[2] Kentaur biasane disebut lair saka hubungane Iksion lan Nefele (dewi awan kang digawe pada wujud Hera).[2] Versi liyané yaiku ras kentaur kuwi keturunan saka Kentauros, kang nglakoni senengé ngakokake hubungan seksual karo jaran wedok ana ing Magnesia.[2] Kentauros dhewe dimungkinake putra Iksion lan Nefele utawa putra Apollo lan Stilbe, putri dewa kali Peneus.[2] Ana ing versi kang kaping loro, Kentauros duwe sedulur jenenge Lapithos, leluhur suku Lapith. Kentaur manggon ana ing daerah Magnesia lan Gunung Pelion ing Thessalia, hutan ek Foloi ing Elis, lan semenanjung Maleia ing Lakonia kidul.[1] Kentaur biasané metu ijèn utawa klompok ana ing crita-crita Yunani kuna, kaya ana ing kisah penculikan Deianeira déning Nessos lan kisah kawinane Pirithous.[2] Kentaur individual kang misuwur yaiku Nessos, Kheiron, Folos, Eurition.[2] Ana ing kisah Herakles akeh jenis-jenis kentaur sing liyané.[2]

Etimologi[sunting | sunting sumber]

Tembung kentauros ana ing basa Yunani ora duwé asal usul kang jelas.[1]

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kentaur&oldid=830379"