Kembang mekar sore

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kembang mekar sore
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Caryophyllales
kulawarga: Nyctaginaceae
Genus: Mirabilis
Species: M. jalapa
Jeneng binomial
Mirabilis jalapa
L.
4 o'clock blooms.jpg

Kembang Mekar Sore (Mirabilis jalapa) yaiku sawijining jinis tanduran hias kang gampang ditemoni ing pekarangan omah lan dadi anggota spesies Mirabilis kang paling misuwur. jeneng elmiahe yaiku Mirabilis jalapa, tembung "jalapa" dijupuk saka jeneng sawijining kutha ing Meksiko, negara kang diahgap dadi asal-usul tanduran iki. dikira-kira yen kembang mekar sore disebarake saka wilayah Andes ing Peru ing taun 1540 dening pedagang Spanyol.

tanduran iki uga asring disebut kanthi jeneng kederat, segerat, tegerat , noja (Bali), pukul ampa (Minahasa), bunga tete apa, bunga-bunga parangghi (Makasar), bunga-bunga parengki (Bugis), lore laka (Timor), kupa oras (Ambon), Cako rana (Ternate), kembang asar (Lampung), kembang pagi sore, kempang pukul empat, bunga waktu kecil (Melayu). jeneng latin tandukan kembang mekar sore yaiku Mirabilis jalapa.Sinonime ing antarane Jalapa congestaNyctago jalapae (L.) DC., Mirabilis xalapaMirabilis suaveolens Billb. ex Beurl., lan Mirabilis planiflora Trautv. Moench, Noronha.[1]

Morfologi tanduran[sunting | sunting sumber]

Kembang mekar sore urip ing dataran endhek kang cukup entuk padang srengenge utawa urip ing dhaerah pabukitan. Minangka tanduran herba cilik kang dhuwure watara 20 cm – 80 cm, akeh ditandur wong kanggo tanduran hias ing pekarangan , duwe watang teles, bentuk godhonge arupa jantung, werna ijo tuwa, dawa watara 2 cm – 11 cm, amba 8 mm – 7 cm, bonggol godhonge bunder, pucuk lancip, pinggiran rata, dumunung adhep-adhepan lan watanf godhonge dawane watara 6 mm – 6 cm. bentuk kembange arupa terompet,maneka macem werna kayata: abang, putih, oranye, kuning, kombinasi/belang- belang.

Kembange mekar ing wayah sore lan mingkup maneh nalika esuk. Wohe atos, wernane ireng, bentuke arupa endhog, llan isine kang arupa putih bisa digawe wedhak. Kulit telane wernane coklat semu ireng, bentuke bunder dawa, dawane watara 7 cm – 9 cm kanthi dhiameter 2 cm – 5 cm, lan isine wernane putih.

Kandhutan bahan kimia jroning kembang mekar sore yaiku Alkaloid trigonelia. Kembang iki duwe khasiat kanggo Anti inflamasi lan Diuretik .[2]

Kandhutan kimia lan efek farmakologis[sunting | sunting sumber]

tanduran kembang mekar sore duwe rasa legi, ora mamb, seger, lan sipate netral. bahan-bahan kimia kang kandhut jroning woh kembang mekar sore ing antarane tepung-lemak (4,3%), zat asam lemak (24,4%), lan zat asam minyak (46,9%). sakliyane iku ing bageyan oyot ngandhut xanthins. Efek farmakologis kang diduweni tanduran kembang mekar sore ing antarane antiradang, ngluruhake air seni, nglancarake sirkulasi, lan ngilangake mampet aliran getih.[3]

Cathetan sikil[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kembang_mekar_sore&oldid=836261"