Jumprit

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Wana jumprit.jpg

Jumprit yaiku salah sawijininng papan wisata kang ana ing kabupatén Temanggung,[1] manggon ing Kecamatan Ngadireja udakara 28 km saka Kutha Temanggung.[2] Kawasan Jumprit manggon ing jalur strategis yaiku jalur Borobudur-Diéng, Semarang-Bandungan-Dieng, lan uga papan kang gampang di akses saka ngendi wae.[2] Panggonan iki ora mung mawakake wanawisata utawa wisata alas, ananging uga nekaake objek wisata alam kang nengsemaké.[1] Jumprit wiwit rame kawit taun 1980-an naika akeh para peziarah kang padha ziarah ing makame Ki Jumprit kang panggone ora adoh saka wanawisata Jumprit.[1] Papan iki kawentar amarga minangka papan kanggo njupuk banyu suci kang dienggo ing dina Waisak.[2] Para biksu khusus njupuk banyu suci saka Jumprit iki kanggo ritual adicara Trisuci Waisak.[3][4]

Umbul Jumprit[sunting | sunting sumber]

Panggon Wisata ing Temanggung

Manggon ing antarane wit-witan, wujude kaya candi ing kerajaan Majapahit, yaiku yang diarani Umbul Jumprit.[5] Wangunan iki dikeramatake warga ing sekitare sanajan uga dimanfaatake kanggo kabutuhan saben dinane.[5] Banyu Umbul Jumprit ora naté garing, sanajan mangsa ketiga, banyune tetep akeh, banyu Umbul Jumprit iku minangka tuk’e Kali Progo.[5] Merga isih dianggep keramat, Umbul Jumprit asring dienggo ritual kayata kungkum lan méditasi, puncake ing dina Slasa Kliwon lan Jumat Kliwon.[5] Tujuane yaiku akeh, salah sijine mbuwang siyal lan nglalap rejeki.[5] Jumprit uga dadi panggonan kang dianggep suci dening umat Budha.[5] Saben peringatan Waisak, telyung dina sedurunge para biksu nglakoni upacara njupuk banyu ing Umbul Jumprit.[5] Banyu Jumprit dipercaya isa gawe awet enom, entheng rezeki, lan mbuwang siyal.[5]

Sejarah Jumprit[sunting | sunting sumber]

Pamarintah Kabupaten Temanggung ngresmekake papan wisata Jumprit ing tanggal 18 Januari 1987.[5] Jumprit wis ditulis ing Serat Centhini lan digandhengake karo legendane Ki Jumprit yaiku ahli nujume Majapahit.[5] Ki Jumprit diyakini minangka leluhure wong Temanggung sing ana ing sekitare Gunung Sindoro lan Sumbing.[5] Makame Ki Jumprit uga ora adoh saka Umbul Jumprit.[5] Saben dina akeh wong kang padha ziarah ing makame Ki Jumprit.[5] Nalika isih sugeng Ki Jumprit nate ngramalake yen Temanggung bakal dadi daerah sing makmur, lan iku kabukti amarga saiki Temanggung makmur saka komoditas mbakone.[5]

Cathetan suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Jumprit&oldid=852753"