John Winston Howard

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
The Honourable
 John Winston Howard
John Winston Howard

Mangsa jabatan
Maret 1996 – 3 Desember 2007
Deputi Tim Fischer (1996-99)
John Anderson (1999-2005)
Mark Vaile (2005-2007)
Didhisiki déning Paul Keating
Diganti déning Kevin Rudd

Miyos 26 Juli 1939 (umur 75)
Flag of Australia.svg Sydney, Australia
Partai pulitik Liberal
Garwa Janette Howard

John Winston Howard (lair ing Sydney, Australia, 26 Juli 1939; umur 75 taun)[1] inggih punika Perdana Menteri Australia wiwit tanggal 11 Maret 1996 dumugi tanggal 3 Desember 2007. Piyambakipun minangka perdana menteri ingkang paling dangu angka 2 wonten ing Australia sasampunipun Sir Robert Menzies. Howard ugi minangka pamimpin Partai Liberal wiwit taun 1995 dumugi 2007. Piyambakipun asor wonten ing pemilu 2007 ingkang dipunadani tanggal 24 November saéngga kedah masrahaken jabatanipun.

Latar belakang[sunting | sunting sumber]

Howard miyos wonten ing Sydney[2] lan ndhérék sekolah wonten ing Earlwood Primary and Canterbury Boys’ High. Piyambakipun nglajengaken dhateng Universitas Sydney lan lulus Sarjana Hukum rikala taun 1961. Piyambakipun ageng wonten ing wewengkon Earlwood, sawijining wewengkon kelas tengah ingkang warganipun sapérangan ageng minangka keturunan Anglo-Saxon. Bapakiipun kagungan bengkel mobil lan pikantuk kasil ingkang cekap. Piyambakipun ageng tanpa kathah sesambetan kaliyan masyarakat imigran Australia punapa déné ingkang miskin.

Nalika John Howard ngrembaka wonten ng Australia taun 1940-1950, permusuhan antawising kelompok gereja Katholik lan Protestan kadadosan. Ingkang nganut agama Katolik inggih punika tiyang Australia keturunan Irlandia lan ndhukung Irlandia wonten ing konflik Irlandia-Inggris. Nalika wekdal punika kelas tengah Australia sapérangan ageng minangka ingkang nganut agama Protestan. Kelas pekerja lan ingkang miskin sapérangan ageng ingkang nganut agama Katolik.

Kanggé kulawarga Howard, pagesangan sosialipun kapusat wonten ing Gereja Methodist Earlwood. Howard rawuh saking kulawarga ingkang pro-Protestan lan boten remen sanget kaliyan kelompok Katolik. Mona ingkang konservatif sanget anganing ngatingalaken toleransi dhateng pihak komunis éwadéné boten sarujuk kaliyan paham kasebut. Éwadéné mekaten, toleransi boten ngantos dumugi dhateng tiyanng Katholik. Kados kathah-kathahing wanita Protestan wekdal punika ingkang sifatipun kathah prasangka (prejudice).

Howard minangka putra ragil lan tiyang ingkang kagungan pangaruh ageng wonten ing gesangipun inggih punika Mona (ibunipun). Pangaruh Mona dominan sanget wonten ing pagesanganipun, langkung katingal malih rikala piyambakipun nembé 16 taun, lan bapakipun séda.

Karier politik[sunting | sunting sumber]

John Howard wonten ing Amerika Serikat taun 1997

Piyambakipun aktif kaliyan Partai Liberal wiwit umur 18 taun nalika ndhérék Gerakan Liberal Muda lan ndhérék wonten ing mahasiswa politik wonten ing perguruan tinggi. Nalika Juli 1962, piyambakipun katampi minangka Jaksa Agung Muda Mahkamah Agung New South Wales. Sadéréng pamilihanipun dhateng Parlemen, piyambakipun minangka satunggaling tiyang rekanan wonten ing sawijining parusahan pendanaan wonten ing Sydney.

John Howard dados tiyang angka 25 ingkang nyepeng jabatan Perdana Menteri wiwit kabentukipun Federasi Australia[3]. Punika nyusul kamenangan pamilihan Federal ingkang nemtokaken rikala tanggal 2 Maret 1996. Piyambakipun makili wewengkon pamilihan federal Bennelong ing pinggiran kutha barat laut lan sampun kapilih minangka anggota parlemen Bennelong saben pamilihan federal wiwit 1974.

Piyambakipun dados perdana menteri kanthi pengalaman inggil lan wiyar wonten ing pamaréntahan lan oposisi. Piyambakipun kapilih minangka Menteri Urusan Bisnis lan Konsumen taun 1975 kanthi yuswa 36 taun, lajeng njabat minangka Menteri Negosiasi Perdagangan Spesial lan minangka Bendaharawan Persemakmuran langkung saking 5 taun.

Wonten ing September 1985, piyambakipun njabat Wakil Pemimpin ingkang dipunpilih koleganipun minangka Pemimpin Partai Liberal Parlementer lan Pemimpin Oposisi dumugi Mei 1989. Piyambakipun wangsul dhateng kepemimpinan kaliyan swanten ingkang bulet koleganipun nalika tanggal 30 Januari 1995. Ing masa sawetawis, piyambakipun njabat minangka juru wicara Koalisi kanggé sajumlah jabatan senior. [4]

Kapilih minangka kapisanan dados perdana menteri kanggé taun 1996, piyambakipun kapilih malih wonten ing pemilu 1998, 2001, lan 2004.[5] Piyambakipun maju malih wonten ing pemilu taun 2007 ananging asor déning Partai Buruh. Howard piyambak ugi asor wonten ing wewengkon pamilihanipun, Bennelong.

Cathetan Suku[sunting | sunting sumber]


Sadurungé:
Paul Keating
Perdana Menteri Australia
1996—2007
Sawisé:
Kevin Rudd

Cithakan:Perdana Menteri Australia