Ja (aksara Bali)

Ja
Aksara Bali
Aksara Latin:	Ja
Fonèm:	[ɟ], [dʒ]
Warga aksara:	talawya
Gantungan:

Ja inggih punika salah satunggaling aksara wianjana (aksara konsonan) ing sistem panyeratan aksara Bali, ingkang nglambangaken swanten /ɟ/ utawi /dʒ/. Manawi dipunalihaksaraken dhumateng aksara Latin, lajeng aksara punika sinerat "Ja".

Fonem

Ja kalebet ing kempalan talawya utawi konsonan langit-langit (palatal). Ing salebeting aksara Dewanagari, Ja dipun-ginakaken kanggé nglambangaken swanten /ɟ/, lan ing lebet aksara Jawi lan Bali, ugi dipun-ginakaken kanggé nglambangaken swanten /dʒ/ ing basa piyambakipun, ingkang dipunlambangaken déning aksara Latin J.

Panganggenipun

Panganggenipun aksara Ja sami kaliyan panganggenipun Ja (Dewanagari: ज) ing abjad aksara Dewanagari. Ing sistem panyeratan mawi aksara Bali, Ja dipun-ginakaken ing tetembungan ingkang gadhah swanten /ɟ/, (kados: jala [basa Sansekerta]), lan /dʒ/ (tuladhanipun: jaran [basa Jawi]). Sadangunipun Ja boten dipunsukani panganggé swanten, mila Ja dipunwaos /dʒə/ utawi /ɟa/. Pocapan ingkang pratama asring dipuntemahi ing basa Bali.

Manawi Ja ndhéréki aksara Na, lajeng Na èwah dados aksara Nya.

Manawi gantungan Ja dipunkempalaken kaliyan aksara Nga, gantungan Ma lan gempelan Pa, lajeng dumados tandha Pamada. Sekawan aksara katelah pinilih amargi manawi dipunkempalaken saged awujud tembung "mangajapa", ingkang suraosipun "mugi slamet tanpi alangan".

Ugi pirsani

• Ja jera
• Nya

Rujukan

• Tinggen, I Nengah. 1993. Pedoman Perubahan Ejaan Basa Bali dengan Huruf Latin dan Huruf Bali. Singaraja: UD. Rikha.
• Surada, I Made. 2007. Kamus Sanskerta-Indonesia. Surabaya: Penerbit Paramitha.