Gèpi

Saka Wikipédia Jawa, bauwarna mardika basa Jawa
(Kaelih saka Iwak Guppy)
Aksara Latin
     
Guppy
ulam ingkang wadon lan lanang
Klasifikasi ngèlmiah
Karajan: Animalia
Filum: Chordata
Klas: Actinopterygii
Ordho: Cyprinodontiformes
Famili: Poeciliidae
Génus: Poecilia
Spésies: P. reticulata
Jeneng binomial
Poecilia reticulata
W. K. H. Peters, 1859
Sinonim

Acanthocephalus guppii
A. reticulatus
Girardinus guppii
G. petersi
G. poeciloides
G. reticulatus
Haridichthys reticulatus
Heterandria guppyi
Lebistes poecilioides
L. reticulatus
Poecilia poeciloides
Poecilioides reticulatus

manéka warni jinis ulam Guppy

Ulam Guppy ing Basa Indonesia punika Gupi, ulam sewu, ulam céré, utawi suwadakar (Poelicia reticulata) inggih punika salah satunggaling spésies iwak hias ingkang paling kawéntar wonten ing donya. Amargi saking gampangé adhaptasi lan makembang biak. Wonten ing papan-papan ing Indonesia ulam punika dados ulam ingkang alasan ngebaki parit-parit.

Ulam Guppy punika asalipun saking ulam rawa kanthi nama Poelicia reticulata guppy. Ulam punika makembang biak kanthi cara manak lan boten kedah wonten ing toya ingkang resik kanthi ukuran ph tartamtu kanggé gesangipun. Manawi sampun cekap oksigèn lan panganan ulam Guppy saged urip.

Ulam hias Guppy ugi kawéntar kanthi nama millionfish gadhah warni buntut utawi buntut ingkang warna-warna. Manawi dipunparingaken wonten satunggal papan, ulam punika kados warni kluwung. Wonten ing laladan-laladan tertamtu ugi gadhah nama piyambak-piyambak kanggé nyebut ulam punika kados ta gepi (Betawi), bungkreung (Sunda), lan cethul utawi cithul (Jawa) [1].

Ulam Guppy kala rumiyin asring dipunanggep minangka ulam parit awit asalipun saking rawa. Daya tahan tubuhing ulam Guppy inggil saéngga sami kaliyan iwak lélé ingkang kala rumiyin dipunanggep penunggu septik tank.

Jinising ulam Guppy[besut | besut sumber]

Induk ingkang lanang gadhah warni ingkang cerah, awak ramping, sirip punggung ingkang langkung dawa, lan gadhah gondopodium (tonjolan dawa wonten ing sakwingkingipun sirip weteng ingkang kalebet modifikasi sirip anal wujud sirip dawa). Kanggé induk wadon gadhah awak ingkang lemu, warninipun kirang cerah, sitip punggung alit, lan sitip weteng wujud sirip ingkang alus.

Kajawi saking warna, wujud dhasar saking buntut ulam Guppy punika manéka warni, inggih punika:

  • wide tail (buntut wiyar).
  • sword tail (buntut dawa).
  • short tail (buntuk cendhek) [2].

Pemerian[besut | besut sumber]

Ulam Guppy punika kalebet anggota suku poecilidae kanthi ukuran alit. Ulam lanang lan wadon diwasa gampil anggènipun mbedakaken saking ukuran, wujuding awak, lan saking warnnipun (dimorfisme sèksual). Dawaning awak ulam wadon kirang ing antawisipun 4-6 cm, bilih ingkang lanang langkung alit kirang langkung 2,5-3,5 cm. Ulam guppy lanang gadhah warni ingkang cerah lan manéka warni, mliginipun ulam kanthi jinis hibrida. Ulam guppy ingkang alasan warninipun langkung biyasa nanging ingkang lanang tetep manéka warni kanthi 2 titik ireng kados mata wonten ing sisih awak ingkang satunggal wonteng ngandhaping sirip punggung bilih satunggal malih ing nginggiling sirip dubur. Ulam guppy wadon ingkang alasan gadhah awak tambun kanthi warni kuning radi coklat lan susunaning sisik maujud pola kados jala (reticulata = kanthi pola jaring utawi jala) lan wetengipun gendut kanthi warna putih [1].

Taksonomi[besut | besut sumber]

Ulam guppy punika kapanggih déning Robert John Lechmere Guppy ing Trinidad nalika taun 1866 [1]. Albert C.L.G Gunther ing taun mau ugi maringi nama ulam mau kanthi sebutan Girardinus guppii kanggé paring pakurmatan dhateng sang panemu. Nanging kasunyatanipun ulam mau sampun dipundeskripsi langkung rumiyin kanthi nama sah Poecilia reticula déning Wilhelm Peters nalika taun 1859, saéngga nama Girardinus guppii namung pikantuk status minangka sinonim (junior syninym). Nanging nama ingkang kanggé umum lan sampun kawéntar inggih punika nama guppy [1].

Cathetan suku[besut | besut sumber]

  1. a b c d [1], (id) http://www.iftfishing.com (dipun-akses tanggal 28 Oktober 2012).
  2. [2] Archived 2012-09-11 at the Wayback Machine., (id) http://www.anneahira.com (dipun-akses tanggal 28 Oktober 2012).