Iwak Belida

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lopis (iwak belida)
chitala chitala
Klasifikasi èlmiah
krajan: Animalia
filum: Chordata
kelas: Actinopterygii
ordo: Osteoglossiformes
kulawarga: Notopteridae
Genus: Chitala
Species: C. lopis
Jeneng binomial
Chitala lopis
(Bleeker, 1851)
Sinonim

Notopterus chitala H.B.

Iwak belida menika salah satunggaling jinis iwak kali utawi sungai ingkang mlebet golongan suku Notopteridae inggih menika ulam kanthi punggung kados pisau [1]. Wonten ugi ingkang mastani ulam menika kanthi nama Ulam Lopis. Ulam belida utawi belido menika dipunpendhet saking satunggaling nama sungai wonten ing Sumatera Selatan ingkang dados habitat ulam menika. Miturut tiyang Sumatera Selatan belida menika ateges ..makhuk yang pandai berdiplomasi (be= kagungan, lida=lidah/ilat, pandai bersilat lidah) [2] .Tiyang Banjar mastani ulam Belida kanthi nama ulam pipih. Jinis ingkang kados mekaten saged dipunpanggihaken ing Sumatra, Kalimantan,Jawa, lan Semenanjung Malaya.

Ulam menika dados bahan utami kanggé damel krupuk khas saking Palembang ingkang kawéntar kanthi nama krupuk kemplang. Kala rumiyin ulam Belida ugi kaginakaken kanggé damel pempek ingkang sakmenika dipungantos kaliyan ulam Tenggiri. Tampilan ingkang unik ndadosaken ulam menika dipunpiara wonten ing aquarium minangka iwak hias.

Amargi gadhah potensi ekonomi lan trancam punah, lembaga panalitèn ngusahakaken nyusun teknologi budidaya ulam belida. Dumugi taun 2005, Balai Budidaya Air Tawar Mandiangin ing Kalimantan Selatan nyobi budidaya, nangkar, lan damel kathah benih ulam belida.

Ulam belida kagolong ulam purba amargi wujuding awak ingkang boten lazim. Menawi kathah-kathahing ulam menika kagungan sirip buntut ing wingikig awak, ananging ulam belida namung kagungan satunggal buntut ingkang gerakanipun sesarengan kaliyan geraking awak bagéyan ngandhap. Bentuking sirah radi wungkuk ingkang damel ulam menika katon unik.

Ing bagéyan sisih wonten bunderan alit kados bal ireng ingkang dipunubengi déning bunderan putih. Saya tambah umur, hiasan wonten ing awak ulam belida sanyasa ical lan kagantos déning garis-garis ireng. Amargi tampilan ingkang unik menika lajeng ulam belida dipunpiara ing akuarium minangka ulam hias. Ulam belida betina kagungan sirip perut ingkang relatif cendhak lan boten nutup bagéyan urogenital, alat kelamin bunder. Nalika birahi bagéyan weteng dados ageng lan kelamin radi abang. menawi ulam belida jantan kagungan sirip weteng langkung dawa lan nutup bagéyan urogenital, alat kelaminipun awujud tabung langkung alit tinimbang ingkang betina.

Cathetan suku[sunting | sunting sumber]

  1. ^ [1], (id) http://www.iftfishing.com (dipun-akses tanggal 27 November 2012).
  2. ^ [2], (id) http://www.fishyforum.com (dipun-akses tanggal 27 November 2012).
Sumber artikel punika saking kaca situs web: "http://jv.wikipedia.org/w/index.php?title=Iwak_Belida&oldid=835130"