Isabel Allende

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Isabel Allende
Isabel allende.jpg
Lair 2 Agustus 1942 (umur 72)
Lima, Peru
Pagawéan Novelis
Kabangsan Chili
Amerika Serikat
Literary movement Realisme magis
Pangaruh marang Gabriel Garcia Marquez, Pablo Neruda
Website [1]

Isabel Allende Llona (lair ing Lima, Peru, 2 Agustus 1942; umur 72 taun) inggih punika salah satunggaling pengarang Chili ingkang buku-bukunipun sampun dipunterjemahaken wonten ing kathah basa. Allende inggih punika salah satunggaling novelis ingkang paling kondhang wonten ing donya sakmenika, lan buku-bukunipun sampun langkung saking 35 juta kopi ingkang kasadé lan dipunterjemahaken wonten ing 27 basa. [2]

Allende miyos wonten ing Lima, Peru, wonten ing kulawarga diplomat Tomás Allende ingkang nalika punika dados duta besar Chili ing mrika. Piyambakipun minangka keponakan saking Salvador Allende, Presiden Chili nalika taun 1970 dumugi taun1973. Wonten ing taun 1945, tiyang sepuhipun crah, lan ibunipun kaliyan 3 sadhèrèkipun pindhah malih dhateng Chili, lan dumunung wonten ing mrika dumugi taun 1953.[3]

Kulawarga punika lajeng pindhah dhateng Bolivia lajeng pindhah dhateng Lebanon. Nalika wonten ing Bolivia, Allende sinau wonten ing sekolah swasta Amerika, lan déné wonten ing Lebanon piyambakipun sinau wonten ing sekolah swasta Britania wonten ing Beirut. Piyambakipun kondur malih dhateng Chili taun 1958 saperlu mungkasaken pendidikan menengahipun, lan wonten ing mrika kapanggih kaliyan garwanipun ingkang kaping pisan, Miguel Frías, lan kekalihipun palakrama taun 1962.

Saking taun 1959 dumugi taun 1965, Allende nyambut damel wonten ing Organisasi Pangan lan Pertanian (FAO) PBB wonten ing Santiago, lan ugi wonten ing ing Brussel, Belgia, lan maneka papan sanèsipun wonten ing Eropa. Putrinipun, Paula, miyos taun 1963. Taun 1966, Allende wwangsul malih dhateng Chili, lan putranipun, Nicolás, miyos taun punika.. Buku Allende, Paula (1994), inggih punika kenangan masa alitipun ingkang nggugah wonten ing Santiago, lan taun-taunipun wonten ing pembuangan.[4] Buku punika dipunserat wonten ing bentuk serat dhateng putrinipun, Paula, ingkang kabaring koma wonten ing griya sakit (piyambakipun seda amargi porfiria taun 1992). Kejawi The House of Spirits lan Paula, judul-judul bukunipun ingkang sanes inggih punika:

  • La gorda de porcelana (1984)
  • Of Love and Shadows (1984)
  • Eva Luna (1987)
  • The Stories of Eva Luna (1989)
  • The Infinite Plan (1991)
  • Afrodite (1997)
  • Daughter of Fortune (1999).
  • Portrait in Sepia (2000)
  • City of the Beasts (2002)
  • My Invented Country (2003)
  • Kingdom of the Golden Dragon (2004)
  • Forest of the Pygmies (2005)
  • Zorro: A Novel (2005)

Cathetan Suku[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Isabel_Allende&oldid=843267"