Hamid Karzai

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Hamid Karzai
حامد کرزي
Hamid Karzai

Mangsa jabatan
22 Desember 2001 – Sekarang
Pejabat sadurungé Burhanuddin Rabbani
Pengganti Sedang Menjabat

Lair 24 Desember 1957 (umur 56)
Kandahar, Afganistan
Partai pulitik Independen
Pasangan Zeenat Karzai
Agama Muslim Suni

Hamid Karzai (Pashto: حامد کرزي) (lair 24 Desember 1957; umur 56 taun) inggih punika Presiden Afganistan wiwit 7 Desember 2004). Sasampunipun pamarèntahan Taliban dhawah, piyambakipun dominan sanget wonten ing poltik Afganistan lan dados tokoh politik ingkang misuwur wonten ing Afganistan. Wiwit Desember 2001, Hamid Karzai njabat Ketua Pamarèntahan Transisi lan Presiden sementara (interim) wiwit 2002. Piyambakipun ingkang kapisanan kapilaih kanthi demokratis lumantar pemilu presiden 7 Desember 2004.

Biografi[sunting | sunting sumber]

Hamid Karzai, satunggaling etnis Pashtun saking klan Popalzai miyos wonten ing Kandahar, Afganistan. Klan punika kumawasa lan asring miyosaken raja Afgan. Karzai asalipun saking kulawarga ingkang ndhukung raja sadèrèngipun, Zahir Shah. Amargi punika wiwit awal piyambakipun kagayut wonten ing politik wonten ing Afganistan.

Karzai kabur dhateng India nalika masa pendudukan Afganistan dèning Uni Soviet lan dumunung wonten ing mrika dumugi dhawahipun Taliban. Piyambakipun mendhet program pasca-sarjana wonten ing ilmu politik ing Universitas Himachal ing Shimla, Himachal Pradesh (India) periode 1979-1983. Lajeng, piyambakipun wangsul minangka pamados dana saperlu ndhukung pemberontakan nglawan Soviet ing Afganistan sadangunipun intervensi Soviet dumugi pungkasaning taun 1980-an. Sasampunipun pasukan Soviet mundhur lan pamarèntaha Najibullah kumawasa ing taun 1992, piyambakipun njabat dados wakil menteri luar negeri wonten ing pamarèntahaning Burhanuddin Rabbani.

Rikala taun 1999, Hamid Karzai palakrama kaliyan Zeenat Karzai, satunggaling wanita ingkang makarya minangka "dokter kandungan" lulusan Afgan lan sakmenika wonten ing wilayah Pakistan. Pasangan garwa punika miyosaken putra ingkang nama Mirwais ingkang miyos rikala tanggal 25 Januari]] 2007.[1]

Informasi sanès[sunting | sunting sumber]

  • Sadhèrèk kakung Karzai, Ahmed Wali Karzai mbiyantu koordinasi bantuan kamanungsan ing provinsi Kandahar. Sapèrangan saking sadherek kakung lan putri Karzai minangka pengusaha restoran ing AS. Ugi kagungan restoran wonten ing San Francisco, Baltimore, lan Cambridge, Massachussetts, sedayanipun kagungan nama Helmand.
  • Sajumlah sumber, mliginipun film Fahrenheit 9/11, sampun nglapuraken bilih Karzai nate makarya minangka konsultan kangge perusahaan minyak Unocal. Juru wicara kangge Unocal punapa dene Karzai sampun nampik punika, ewadene boten saged ngandharaken bab ingkang sami kangge sedaya parusahan ingkang kagayut ing konsorsium punika.[2][3] Klaim punika kadosipun terbitan saking surat kabar Prancis Le Monde ing tanggal 9 Desember 2001. Bab punika ugi dipunandharaken dening Christian Science Monitor [4]


Cathetan Suku[sunting | sunting sumber]


Pranala Njaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Hamid_Karzai&oldid=836982"