Enno Lerian
| Enno Lerian | |
|---|---|
 | |
| Pakaryan | aktris, penyanyi |
| Taun aktif | 1993–saiki |
| Bojo | Muhammad Nayaka Untara (pegat) |
| Anak | Bumi Pradipa Pria Untara |
| Wong tuwa | Edi Subroto lan Rina Puspita Sari |
Enno Lerian (lair ing Lampung, 8 Oktober 1983; umur 40 taun).[1] Enno Lerian iku salah sijiné artis sinétron.[1] Biyèn Enno dikenal minangka penyanyi cilik kang misuwur ing masarakat Indonésia.[1] Saiki Enno wis nduwé anak siji lan wis pegat karo bojoné.[1]
Biografi[besut | besut sumber]
Enno wiwit misuwur nalika nyanyekaké lagu kang irah-irahane Si Nyamuk Nakal.[1] Nalika iku, umuré lagi 9 taun.[1] Sawisé nyanyi lagu iku, Enno banjur dadi idolané bocah-bocah nalika iku.[1] Enno wis nggawé album rekaman kang cacahé 8.[1] Album-album iki kaya ta Si Nyamuk Nakal, Dakocan, Semua Ada Disini, Dudidam, Oioio, lan album kang nduwéni nuansa islami kang cacahé 3 ya iku Salaman, Ikut Lebaran, lan kang pungkasan irah-irahané belajar mengaji.[1] Ora mung nyanyi, Eno uga dadi presenter pogram kang jenengé Enno Ceria kang nalika iku dibabaraké ing SCTV.[1] Enno uga akting ing sinétron kang irah-irahané Deru Debu.[1]
Enno Lerian tau nampa akèh bebungah kaya ta Penyanyi Favorit Pilihan Pemirsa VAN (Video Anak Anteve) 1997, Pembawa Acara Terbaik Panasonic Awards 1997, lan Penyanyi Terbaik saka Anugerah Musik Indonesia (AMI) 1997.[1]
Sawisé diwasa jenengé wiwit ora tau keprungu manèh ing jagad hiburan.[2] Enno uga tau dadi dubber kanggo swara Serene ing filem animasi kang judhulé Homeland.[2] Saliyané iku, Enno uga tau meranaké tokoh Wulan ing sinétron Bintang Rumah Susun.[2]
Enno lan bojoné resmi pegatan nalika tanggal 3 Januari 2006.[2] Saka pernikahan iki, Enno nduwé anak lanang siji kang jenengé Bumi Pradipa Pria Untara.[2] Sawisé pegat, Enno banjur main stripping ing sinétron Melati untuk Marvel.[2] Kanggo njaga penampilané nalika akir sasi Juni 2009, Enno banjur oprasi kanggo ngilangaké andheng-andheng kang manggon ing irungé.[2] Kamangka andheng-andheng iki wis dadi ciri khasé Enno.[2]
Filmografi[besut | besut sumber]
- Selimut Berdarah (2010)
Sinetron[besut | besut sumber]
- Deru Debu
- Bintang Rumah Susun
- Larasati (sinétron)
- Anak Membawa Berkah
- Terlanjur Cinta
- Dia Anakku
Album[besut | besut sumber]
- Si Nyamuk Nakal
- Dakocan
- Semua Ada di Sini
- Dudidam
- Oioio
- Salaman
- Ikut Lebaran
Cathetan suku[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |