Dinar

Negara-negara kang wernané ijo tuwa saiki isih migunakaké valuta dhinar, lan kang wernané ijo enom sadurungé migunakaké dhuwit kuwi. Negara-negara sempalan Yugoslavia ditampilaké ing kiwa ngisor.

Dinar (utawa b. Arab: دينار dīnār) iku valuta resmi kang dipigunakaké sapérangan negara. Ing jaman biyèn, koin dhinar mas dipigunakaké wiwit mangsa Islam kanggo kagiyatan ijol-ijolan barang utawa jasa ing wewengkon kakalifahan. Panguwasa Islam kuwi sakjané nyonto dhuwit koin mas saka Kakaisaran Romawi Wétan (Bizantium), kang arané dēnārius auri.

Étimologi

Tembung dīnār dijupuk saka tembung δηνάριον denarion saka basa Yunani, lan sadurungé dijupuk saka tembung dēnārius saka basa Latin.

Valuta resmi

Negara-negara kang migunakaké dhinar (utawa jeneng sing mèmper) kanggo valuta resminé, yaiku:

Negara	Valuta	Kodhe ISO 4217
Aljazair	Dinar Aljazair	DZD
Bahrain	Dinar Bahrain	BHD
Irak	Dinar Irak	IQD
Yordania	Dinar Yordania	JOD
Kuwait	Dinar Kuwait	KWD
Libya	Dinar Libya	LYD
Republik Makedonia	Denar Makedonia	MKD
Serbia	Dinar Serbia	RSD
Tunisia	Dinar Tunisia	TND

Galeri

• 

  Sewu Dinar Serbia ndhuweni gambar rupa ilmuwan Nikola Tesla saka Serbia.

• 

  Wujud mancus utawa duwit emas.

Réferènsi

Pirsani galeri bab Dinar ing Wikimedia Commons.