Croup

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Croup
Classification and external resources

The steeple sign as seen on an AP neck X-ray of a child with croup
ICD-10 ICD-10 Chapter J|J050
ICD-9 464.4
DiseasesDB 13233
MedlinePlus 000959
eMedicine ped/510 emerg/370 radio/199
MeSH D003440

Croup (utawa laringotrakeobronkitis) tegese infeksi dalan ambegan sing disebabake dening infeksi nemen/parah ing dalan ambegan bageyan ndhuwur. Infeksi kasebut nyebabake abuhing gorokan njero. Amarga abuh kaya mengkono, pasien dadi ora bisa ambegan kanthi normal; banjur dadiya gejala Croup yaikuwatuk sing "njegog" , stridor (mengi sing nganti nyuwara ngik), lan swara sing serak gerok. Gejala Croup bisa entheng, sedhengan, utawa, nemen, lan biyasane tambah nemen nalika wayah bengi. Dosis steroid oral sepisan bisa ngobati infeksi kasebut. Kadhangkala epinefrin uga digunakake ing kasus-kasus sing luwih nemen. Arang kedadeyane yen pasien kudu dirumat ing rumah sakit.

Croup didiagnosis adhedhasar kahanan klinis, panyebab gejala sing luwih nemen wis ora dianggo maneh (contone, epiglottitis utawa barang asing sing nyangkut ing dalan ambegan). Panlesihan bab-bab liyane—kayata tes getih, ronsen sinar-X, lan kultur—ora diprelokake. Croup yaiku kahanan biyasa sing ditemokake ing 15% bocah, sing umurane antarane 6 sasi nganti 5–6 taun. Remaja karo wong dewasa arang kena Croup.


Tandha lan gejala[sunting | sunting sumber]

Gejala Croup antara liya watuk "njegog", stridor(ambegan nganti nyuwara ngik), serak gerok, lan angel ambegan sing biyasane tambah nemen ing wayah bengi.[1] Watuk "njegog" mau asring digambarake memperanjing laut utawa singa laut nyeluk.[2] Nangis bisa marahi ambegan ngak-ngik mau saya nemen; ngak-ngik bisa amarga dalan napas saya ciyut. Ambegan ngak-ngik bisa mudhun nyata banget nalika Croup saya nemen.[1]

Gejala liyane kayata panas, coryza (gejala sing biyasa tuwuh ing lara masukangin), lan dhadha sing katon ketarik mlebu.[1][3] Ngeces utawa praupan lara menehi pratandha kahanan medis liyane.[3]

Panyebab[sunting | sunting sumber]

Sawijining virus bisa nyebabake Croup.[1][4] Saperang wong nggunakake tembung kasebut kanggo ngatutakelaringotrakeitis nemen, Croup spasmodik, dipteri laringeal, trakeitis asebab bakteri, laringotrakeobronkitis, lan laringotrakeobronkopneumonitis nemen. Rong kahanan sing sinebut pisanan ngatutake virus lan nduwe gejala sing luwih entheng; patang kahanan sabanjure disebabake dening bakteri lan biyasane luwih nemen.[2]

Asebab Virus[sunting | sunting sumber]

Ing 75% kasus virus parainfluenza, utamane tipe 1 lan 2, dadi virus sing nyebabake Croup/laringotrakeitis akut.[5] Kadhangkala viruse yaiku virus liyane sing bisa nyebabake Croup kalebu virus influenza A lan B, campak, adenovirus lan virus respiratory syncytial (RSV).[2] Croup spasmodik (Croup sing nganggo watuk njegog) disebabake dening gugusing virus sing padha karo panyebab laringotrakeitis akut, nanging ora nuwuhake tandha-tandha infeksi sing biyasa (kayata panas, pancingen, lan nambahing cacah sel darah putih).[2] Pangobatan, lan tanggepan tumrap obat uga memper penyakit mau.[5]

Asebab Bakteri[sunting | sunting sumber]

Croup sing disebabake dening bakteri bisa diperang dadi dipteri laringeal, trakeitis bakteri, laringotrakeobronkitis, lan laringotrakeobronkopneumonitis.[2] Dipteri laringeal disebabake dening Corynebacterium diphtheriae , trakeitis asebab bakteri, laringotrakeobronkitis, lan laringotrakeobronkopneumonitis utamane disebabake dening virus nanging bakteri uga melu katut dadi panyebab. Bakteri sing paling umum dadi panyebab yaikuStaphylococcus aureus, Streptococcus pneumoniae, Hemophilus influenzae, lan Moraxella catarrhalis.[2]

Mekanisme[sunting | sunting sumber]

Infeksi virus mlebu ing njero sel darah putih banjur nyebabake abuhing laring, trakea, lan ngambaning bronki[4] (dalan ambegan). Kahanan abuh kasebut bisa nyebabake angeling ambegan.[4]

Diagnosis[sunting | sunting sumber]

Croup ateges diagnosis klinis.[4]Tumindak sapisanan yaiku misahake kahanan obstruktif/bengek liyane ing dalan ambegan, utamaneepiglotitis, barang temangsanging dalan ambegan, stenosis subglotik, angioedema, abses retrofaringeal, lantrakeitis bakteri.[2][4]Yen pamriksan Ronsening bageyan gulu ora dilakoni sacara rutin,[4]nanging saora-orane dilakoni sapisan, asile bakal nuduhake bageyan trakea sing katon nyiyut sing biyasa tumon ing penyakit iki, sinebut tandha menara/steeple sign, amarga wujude sing memper menara greja menara. Tandha menara iki ora katon ing separoning kasus sing dumadi.[3]Tes getihlan kultur viruss(tes virus) bisa nyebabake iritasi sing ora prelu ing dalan ambegan.[4]Ewasemono kultur virus, sing dijupuk sacara nasofaringeal(yaiku cara nggunakake selang kanggo nyedhot riak saka irung), bisa digunakake kanggo mesthekake panyebab sing satemene. Kultur iki biayasane diwatesi mung kanggo panaliten.[1]Yen pasien durung mari-mari nggone lara sawise diwenehi pangobatan standar, tes sabanjure bisa ditindaki kanggo mriksa ana oraning bakteri.[2]

Abot oraning penyakit

Sistem sing paling umum digunakake kanggo nglasifikasi abot oraning Croup yaiku skor Westley. Tes iki luwih kerep digunakake kanggo panaliten tinimbang praktek klinis.[2]Croup dumadi saka gunggunging biji sing ditrapake tumrap 5 faktor: tingkating kasadaran, sianosis, stridor, mlebuning ambegan, lan retraksi.[2]Biji sing dipasangake ing saben faktor katulis ing tabel ing sisih tengen, lan gunggung keprukke antarane saka 0 nganti 17.[6]

  • Gunggung skor ≤ 2 nandhakake dumadining Croup entheng . Pasien bisa nuduhake watuk njegog lan swara serak, nanging ora ana ambegan ngak-ngik (wheezing) nalika ngaso.[5]
  • Gunggung skor 3–5 mlebu ing kelas Croup sedheng — pasien nuduhake ambegan ngak-ngik lan sawetara tandha liyane.[5]
  • Gunggung skor 6–11 kalebu Croup nemen . Croup iki ditandhani stridor sing cetha banget, uga nuduhake bageyan dhadha sing ketarik mlebu.[5]
  • Gunggung skor ≥ 12 padha karo gagal napas sing bisa dumadi. Ewasemono watuk njegog lan ambegan ngak-ngik wis ora ketara maneh ing tingkatan iki.[5]

85% pasien bocah sing mlebu UGD nandhang penyakit sing entheng; Croup nemen arang kedadeyane (<1%).[5]

Panyegahan[sunting | sunting sumber]

Imunisasi (vaksin) kanggo influenza lan dipteri bisa nyegah kedadeyane Croup. [2]

Pangobatan[sunting | sunting sumber]

Bocah-bocah sing nandhang Croup kudu bisa digawe tetep anteng lan sabar.[4] Steroid rutin diwenehake, tambah epinefrin yen penyakite nemen.[4] Bocah-bocah sing nandhang saturasi oksigen (oksigen sing ana ing getih) sangisore 92% kudu diwenehi oksigen,[2] lan pawongan sing nandhang Croup nemen/abot bisa dilebokake rumah sakit kanggo observasi.[3] Yen mbutuhake oksigen, prayogane diwenehake sacara "blow-by" (yaiku nyelehake sumbering (selang) oksigen ing sacedhaking raine bocah) amarga cara iki bisa ngurangi agitasi/kejang yen dibandhingake karo nganggo masker.[2] Yen diobati, mung kurang saka 0.2% pasien sing mbutuhake intubasi endotrakeal(pamasangan selang ing njero dalan ambegan).[6]

Steroid[sunting | sunting sumber]

Kortikosteroid, kayata deksametason lan budesonida, bisa digunakake kanggo nambani Croup ing bocah cilik.[7] Ambegan langsung bisa lega sajroning nem jam sawise obat diwenehake.[7] Obat-obatan kaya ngene bisa mandi lumantar cara oral (diombe), parenteral (disuntikake), utawa diserot, nanging cara diombe sing paling disenengi.[4] Biyasane mung prelu dosis sepisan wae, lan wis umum dianggep aman.[4] Deksametason sing dosise 0,15, 0,3 lan 0,6 mg/kg katone uga padha mandine.[8]

Epinefrin[sunting | sunting sumber]

Croup sedhengan lan nemen bisa ditulung nganggo nebulisasi epinefrin(larutan sing bisa diserot banjur bisa ngambakake dalan ambegan)[4] Epinefrin bisa langsung ngedhunake nemene Croup ing 10–30 menit, ewasemono apike paling mung bisa nganti 2 jam wae.[1][4] Yen kahanan apik mau bisa terus nganti wektu 2–4 jam sawise diobati tanpa ana komplikasi liyane, pasien bocah biyasane bisa langsung digawa mulih saka rumah sakit.[1][4]

Liyane[sunting | sunting sumber]

Obat Croup liyane wis nate ditliti, nanging ora ana bukti sing cukup kanggo ndhukung panggunan obat-obatan kasebut. Nyerot uap panas utawa hawa humidifikasi yaiku pangobatan pribadhi tradisional, nanging panaliten klinis ora bisa nemokake bukti mandine cara kasebut[2][4] lan saiki arang dianggo maneh.[9] Panggunan obat watuk, sing biyasane ngandhutdektrometorfan lan/utawa guiafenesin, iku ora apik.[1] Biyen, yyerot heliox (campuran helium lan oksigen) kanggo ngurangi ambegan sing abot wis nate dianggo, nanging ora ana bukti sing ndhukung panggunane.[10] Croup yaiku penyakit sing disebabake virus, mulaantibiotik ora digunakake kejaba bakteri diprakirakake uga dadi panyebab.[1] Antibiotik vankomisin lan sefotaksim disaranake kanggo infeksi bakteri.[2] Ing kasus-kasus nemen sing gegayutan karo influenza A utawa B,antivirus pangalang neuraminidase bisa diwenehake.[2]

Prognosis[sunting | sunting sumber]

Croup sing disebabake dening virus biyasane mung penyakit sing maridhewe lan mung sedhela; penyakit iki arang nyebabake pasien nemahi pati amarga gagal ambegan lan/utawaserangan jantung.[1] Gejala biyasane mundhak dadi apik ing rong dina, nanging bisa uga nganti pitung dina.[5] Komplikasi liya nanging ora biyasa yaiku trakeitis asebab bakteri, pneumonia, lan edema paru.[5]

Epidemiologi[sunting | sunting sumber]

Kira-kira 15% bocah, biyasane saumuran antarane 6 wulan nganti 5–6 taun, wis nate kena Croup.[2][4] Croup dadi penyakit sing nyebabake 5% rumatan rumah sakit kanggo gugus umur iki.[5] Senajan arang, bocah saumuran 3 sasi nganti sagedhene 15 taun nduweni penyakit iki.[5] Lanang 50% luwih kerep kena tinimbang wadon; Croup uga luwih kerep kedadeyan ing musim gugur.[2]

Sajarah[sunting | sunting sumber]

Tembung croup asale saka tembung kriya Basa Inggris Modhern Wiwitan croup, ateges "nangis kanthi swara serak"; aran kasebut kawitane digunakake kanggo penyakit kasebut ing Skotlandia banjur dadi kawentar ing abad 18.[11] Croup amarga penyakit dipteri wis dipahami kawit mangsane Homer ing jaman Yunani Kuna. Ing taun 1826, Bretonneau mbedakake Croup asebab virus karo Croup amarga dipteri.[12] Wong-wong Prancis ngarani Croup asebab virus nganggo tembung "faux-croup," lan nggunakake "Croup" kanggo penyakit sing disebabake dening bakteri dipteri.[9] Croup asebab dipteri mundhak meh ora dipahami amarga tekane imunisasi efektif.[12]

Referensi[sunting | sunting sumber]

  1. ^ a b c d e f g h i j Rajapaksa S, Starr M (May 2010). "Croup – assessment and management". Aust Fam Physician 39 (5): 280–2. PMID 20485713.
  2. ^ a b c d e f g h i j k l m n o p q r Cherry JD (2008). "Clinical practice. Croup". N. J. Med. 358 (4): 384–91. doi:10.1056/NEJMcp072022. PMID 18216359. http://content.nejm.org/cgi/content/full/358/4/384.
  3. ^ a b c d "Diagnosis and Management of Croup" (PDF). BC Children’s Hospital Division of Pediatric Emergency Medicine Clinical Practice Guidelines. http://www.childhealthbc.ca/resources/category/5-croup?download=13%3Acroup-guideline.
  4. ^ a b c d e f g h i j k l m n o p Everard ML (February 2009). "Acute bronchiolitis and croup". Pediatr. North Am. 56 (1): 119–33, x–xi. doi:10.1016/j.pcl.2008.10.007. PMID 19135584.
  5. ^ a b c d e f g h i j k l Johnson D (2009). "Croup". Clin Evid (Online) 2009. PMC 2907784. PMID 19445760. //www.pubmedcentral.nih.gov/articlerender.fcgi?tool=pmcentrez&artid=2907784.
  6. ^ a b c Klassen TP (December 1999). "Croup. A current perspective". Pediatr. North Am. 46 (6): 1167–78. doi:10.1016/S0031-3955(05)70180-2. PMID 10629679.
  7. ^ a b Russell KF, Liang Y, O'Gorman K, Johnson DW, Klassen TP (2011). Klassen, Terry P. ed. "Glucocorticoids for croup". Cochrane Database Syst Rev 1 (1): CD001955. doi:10.1002/14651858.CD001955.pub3. PMID 21249651.
  8. ^ Port C (April 2009). "Towards evidence based emergency medicine: best BETs from the Manchester Royal Infirmary. Dose of dexamethasone in croup". Emerg Med J 26 (4): 291–2. doi:10.1136/emj.2009.072090. PMID 19307398.
  9. ^ a b Marchessault V (November 2001). "Historical review of croup". Can J Infect Dis 12 (6): 337–9. PMC 2094841. PMID 18159359. //www.pubmedcentral.nih.gov/articlerender.fcgi?tool=pmcentrez&artid=2094841.
  10. ^ Vorwerk C, Coats T (2010). Vorwerk, Christiane. ed. "Heliox for croup in children". Cochrane Database Syst Rev 2 (2): CD006822. doi:10.1002/14651858.CD006822.pub2. PMID 20166089.
  11. ^ Online Etymological Dictionary, croup. Accessed 2010-09-13.
  12. ^ a b Feigin, Ralph D. (2004). Textbook of pediatric infectious diseases. Philadelphia: Saunders. p. 252. ISBN 0-7216-9329-6.
Skor Westley: Klasifikasi nemen orane Croup[5][6]
Fitur Cacahing biji kanggo fitur iki
0 1 2 3 4 5
Retraksi Dhadha
Ora ana Entheng Sedheng Nemen/parah
Stridor Ora ana Dibarengi
agitasi
Nalika ngaso


Sianosis Ora ana


Dibarengi
agitasi
Nalika ngaso
Tingkating
kasadaran
Normal



Disorientasi
Ambegan mlebu Normal Kurang Mudhun nemen


Sumber artikel punika saking kaca situs web: "http://jv.wikipedia.org/w/index.php?title=Croup&oldid=878735"