Staphylococcus aureus
| Staphylococcus aureus | |
|---|---|
 |
|
| Klasifikasi èlmiah | |
| Domain: | Bacteria |
| krajan: | Eubacteria |
| filum: | Firmicutes |
| kelas: | Bacilli |
| ordo: | Bacillales |
| kulawarga: | Staphylococcaceae |
| Genus: | Staphylococcus |
| Species: | S. aureus |
| Jeneng binomial | |
| Staphylococcus aureus Rosenbach 1884 |
|
Staphylococcus aureus (S. aureus) yaiku bakteri gram positif kang ngasilake pigmen kuning, asipat aerob fakultatif, ora ngasilake spora lan ora motil, umume urip kanthi pasang-pasangan lan klompok, kanthi diameter sekitar 0,8-1,0 µm.[1][2] S. aureus urip kanthi optimum ing suhu 37oC kanthi wektu pambelahan 0,47 jam. [3] S. aureus minangka mikroflora normal manungsa[3]. Bakteri iki biyasane ana ing saluran pernafasan dhuwur lan kulit[1][4]. Anane S. aureus ing saluran pernafasan dhuwur lan kulit ing individu jarang nyebabake penyakit, individu sehat biyasane mung duweni peran minangka karier [1]. Infeksi serius bakal kedaden nalika resistensi inang dadi loyo amarga anane owahing hormon; anane penyakit, tatu, utawa perlakuan nggunakake steroid utawa obat liya kang ngusadani imunitas saengga ndadekake loyoning inang[1].
Infeksi S. aureus diasosiasekake kanthi pirang-pirang kondisi patologi, ing antarane wudun, kukul, pneumonia, meningitis, lan arthritits[1]. Akeh-akehe penyakit kang disebabake dening bakteri iki mroduksi nanah, nula bakteri iki diarani piogenik[1]. S. aureus uga ngasilake katalase, yaiku enzim kang ngonversi H2O2 dadi H2O dan O2, lan koagulase, enzim kang nyebabake fibrin ngoagulasi lan mbentuk gumpalan[1]. Koagulase diasosiasekake kanthi patogenitas amarga panggumpalan fibrin kang disebabake dening enzim iki kaakumulasi ing sekitar bakteri saengga agen pelindung inang kangelan ngancik bakteri lan fagositosis kagondeli[1].
Bab lan Paragraf |
Mikrobiologi [sunting]
S. aureus kalebu bakteri osmotoleran, yaiku bakteri kang urip ing lingkungan kanthi rentang konsentrasi zat terlarut (tuladhane uyah) kang amba, lan bisa urip ing konsentrasi NaCl sekitar 3 Molar.[3] Habitat alami S aureus ing manungsa yaiku ing daerah kulit, irung, cangkem, lan usus gedhe, lan wetu kuwi kaanan sistem imun normal, S. aureus ora asipat patogen (mikroflora normal manusia).[3]
Quorum Sensing [sunting]
S. aureus duweni kaprigelan Quorum sensing nggunakake sinyal oligopeptida kanggo mroduksi toksin lan faktor virulensi .[3]
Cathetan suku [sunting]
- ^ a b c d e f g h Madigan MT, Martinko JM, Dunlap PV, Clark DP. 2008. Biology of Microorganisms 12th edition. San Francisco: Pearson.
- ^ [WHO] World Health Organization. 2004. Guidelines for Drinking-water Quality 3rd Edition. Geneva: World Health Organization.
- ^ a b c d e (en) Prescott LM, Harley JP, Klein DA. 2002. Microbiology. 5th Ed. Boston: McGraw-Hill.
- ^ Honeyman AL, Friedman H, Bendinelli M. 2001. Staphylococcus aureus Infection and Disease. New York: Plenum Publishers.
Delengen uga [sunting]
 |
Wikispecies duwé informasi ngenani |
Cithakan:Klasifikasi bakteri BABIIIIIIIIIIITTCCHHHH
