Conrad Theodore van Deventer

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Conrad Theodor van Deventer

Conrad Theodore van Deventer (1857-1915) dikenal minangka sawijining ahli hukum Walanda lan uga tokoh Pulitik Etis.

Ing mangsa anom budhal menyang Hindia Walanda. Jroning mangsa sapuluh taun, Deventer wis dadi sugih, amarga perkebunan perkebunan swasta sarta maskapai lenga BPM kang muncul wektu samana akèh mbutuhaké jasa penasihat hukum.

Jroning sawijining layang tanggal 30 April 1886 kang ditujokaké marang wong tuwané, Deventer ngandaraké perluné sawijining tindakan kang luwih manusiawi tumrap para pribumi awit nguwatiraké bakal anané kabangkrutan kang dialami déning Spanyol amarga klèru cara ngolah tanah jajahan.

Yayasan Kartini[sunting | sunting sumber]

Nalika taun 1911 surat-surat Kartini diterbitaké, Van Deventer kepranan banget, saéngga nulis sawijining resensi kang dawa, mung kanggo nyebar amba cita-cita Kartini, kang cocok karo gegayuhan Deventer dhéwé yakuwi: ngangkat bangsa pribumi sacara rohani lan ekonomis, sarta merjuangaké émansipasi.