Pribumi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Pribumi utawa pedunung asli iku saben wong sing lair ing sawijining papan, wilayah utawa negara, lan netep ing kana kanthi status orisinal utawa asli utawa tulèn (indigenious) minangka klompok ètnis sing diakoni minangka suku bangsa dudu paneka saka negara liyané. Pribumi asifat autochton (nèmpèl ing sawijining papan). Sacara luwih kusus, istilah pribumi ditujokaké marang saben wong sing kalairaké kanthi wong tuwa sing uga kalairaké ing sawijining papan kasebut.

Pribumi minangka klompok pulitis[sunting | sunting sumber]

Jroning mangsa kolonial Walanda, pribumi dipigunakaké minangka istilah basa Melayu kanggo Inlanders, salah siji klompok pedunung Hindhia-Walanda sing asalé saka suku-suku asli Kapulouan Nuswantara. Mula saka iku, pedunung Indonésia katurunan Cina, India, Arab (kabèh dilebokaké jroning saklompok, Vreemde Oosterlingen), Éropah, uga campuran asring diklompokaké minangka non-pribumi senajan wis sapérangan generasi dilairaké ing Indonésia. Panglompokan iki jroning idea ora rasistis, amarga bisa dumadi papindhahan saka sawijining klompok menyang klompok liya, nanging jroning praktèk dadi rasistis amarga dumadi pambédan pamanggonan ing publik, pabédan pangopahan/panggajian, larangan panggunaan basa Walanda kanggo klompok tinentu, lan sapituruté.

Ing Malaysia lan ing jaman sadurungé Orde Baru ing Indonésia, istilah Bumiputera dipigunakaké kanggo ngrujuk marang pedunung asli.

Ing antarané pedunung asli ana klompok masarakat adat, yaiku suku-suku kaasing utawa suku-suku sing nembé ngrembaka, malah ana suku kaasing sing isih nglakoni kauripané kayadéné masarakat Jaman Watu.

Delengen uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Pribumi&oldid=835555"