Buddhas of Bamiyan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pemandangan Budaya lan Peninggalan Arkeologi ing Lembah Bamiyan
Pemandangan Budaya lan Peninggalan Arkeologi ing Lembah Bamiyan*
Situs Warisan Donya UNESCO
Negara Flag of Afganistan Afganistan
Tipe Budaya
Kriteria i, ii, iii, iv, vi.
Referensi 208
Wilayah Asia-Pasifik
Sajarah prasasti
Prasasti resmi 2003  (Sèsi Twenty seventh)
Mbebayani 2003-
* Jeneng resmi jroning Daftar Warisan Donya.
Miturut klasifikasi resmi UNESCO.

Patung Buddha saking Bamiyan jaman rumiyin minangka monumen ingkang kasungsun saking kalih patung Buddha ingkang jumeneng lan dipunukir ing sisih sawijining jurang ing lembah Bamiyan, ing tengah Afganistan. Lokasi patung kirang langkung 230 km arah barat laut Kabul ing 2500 meter sanginggiling lemah.[1] Kemungkinan ageng patung-patung punika dipundamel nalika abad ke-5 utawi abad ke-6 lan minangka perpaduan klasik antawis Seni Buddha-Yunani.[2]

Badan-badan utama dipuntatah kanthi langsung saking watu tebing, ananging detailnya dipundamel kanthi lendhut ingkang kacampur kaliyan damén lan dipunlapisi kanthi sajinis semen. Lapisan punika ingkang sapérangan ageng praktis sampun ical wiwit rumiyin, lajeng dipuncat saperlu mujudaken ekspresi praupan, tangan lan lekukanlekukan jubah kanthi langkung jelas. Bagéyan ngandhap tanga-tangan patung ugi kadamel saking campuran lendhut lan damen ingkang sami, déné dipunsengkuyung kaliyan kayu-kayu penopang. Dipunduga keras bagéyan inggil praupan patung-patung dipundamel saking topeng-topeng kayu raksasa. Deretan bolongan ingkang saged dipuntingali ing photo minangka papan kangge nyengkuyung steger kayu ingkang nyengkuyung lapisan semen njawi.

Sajarah[sunting | sunting sumber]

Patung Buddha Bamiyan

Amargi dumunung ing Jalur Sutra ingkang ngubungaken Tiongkok lan India kaliyan "dunia barat", Bamiyan ngrembaka dados pusat agama lan filsafat. Daerah punika ugi minangka situs sapérangan biara Buddha. LAjeng daerah punika ugi wigati amargi minangka papan berpadunipun budaya Barat lan Timur kangge nyiptakaken bentuk-bentuk énggal Seni Buddha-Yunani. Daerah punika minangka salah satunggaling pusat Buddha ingkang ageng wiwit abad ke-2 SM dumugi mlebetipun Islam ing lembah punika nalika abad ke-9.[3] Para bhiksu ing biara-biara (vihara) dumunung minangka pertapa ing gua-gua alit ingkang dipundamel ing pinggir-pinggir tebing sedawa lembah Bamiyan. Kathah saking para biarawan punika natah patung-patung ing salebeting gua-guanipun. Kathah patung-patung Buddha wonten ing posisi jumeneng lan lenggah ingkang ukuranipun maneka jinis dipunpanggihaken ngadhep jurang, gua punika inggih kathah ingkang dipunhias kaliyan para biksu kanthi fresco ingkang maneka warni. Kalih patung ingkang utama inggih punika Buddha ingkang posenipun ngadeg ingkang ukuranipun 55 lan 37 meter, tuladha-tuladhanipun patung buddha madeg ingkang dipuntatah lan ingkang langkung ageng wonten ing donya. kakalih patung punika minangka marka tanah budaya kangge pinten-pinten taun lan situs punika malah ugi dipunsenaraikaken wonten ing Daftar Situs Warisan Dunia dening UNESCO.[4]

Salah sawijining tiyang ingkang minangka peziarah Buddhis saking Tiongkok ingkang namanipun Hsüan-tsang (Xuanzang) nglewati tlatah punika kinten-kinten taun 630 lan nyerat bilih Bamiyan minangka salah sawijining pusat Buddha ingkang ngrembaka "kanthi langkung saking sedasa biara lan langkung saking setunggal ewu bhiksu"[5], tiyang punika inggih nyerat bilih kakalih patung Buddha punika "dipun hias kanthi emas lan watu permata mulia" (Wriggins, 1996). [6]

Bahan Waosan[sunting | sunting sumber]

Cathetan Suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Buddhas_of_Bamiyan&oldid=880070"