Bratawali

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bratawali
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Ranunculales
kulawarga: Menispermaceae
Genus: Tinospora
Species: T. crispa
Jeneng binomial
Tinospora crispa
(L.) Miers ex Hoff.f

Bratawali ing basa Latin dikenal kanthi jeneng Tinospora crispa L. Miers.[1][2][3] Bratawali uga nduwé jeneng dhaérah, yaiku butrawali, batrawali (ing basa Jawa), putrawali, andawali (ing basa Sunda), antawali (ing basa Bali), lan gandel.[2][3] Ing basa Cina, bratawali dikenal kanthi jeneng shen jin teng.[4] Bratawali isih sakeluwarga ing Menispermum verricosum Flem.[5] [1]

Ciri Fisik[sunting | sunting sumber]

Bratawali nduwèni godhong kang wernané ijo lan bentuké kaya jantung utawa pedhang, kayadéné godhong suruh, rada bunder, ambané 6-12 cm.[2][3][6] Godhongé kalebu jenis godhong tunggal, nduwèni gagang, lan pucuké rada lancip.[2] Kembang bratawali ukurané cilik lan nduwèni mahkota kang cacahé 6. [4][7] Kembange yen isih mingkup wernane ijo, dene kembange kang megar wernane abang lan putih.[8] Gagang brotowali dawa lan akèh kutilé.[4] Woh brotowali yèn isih nom wernané ijo nom, déné wis mateng wernané jambon.[7]

Panggon Thukul[sunting | sunting sumber]

Wit bratawali bisa ditemokake thukul liar ing alas utawa tegalan. Nanging, amarga kasiyate, akeh warga kang nandur ing latar omah utawa mburi omah.[2] Akeh kang percaya yen bratawali asale saka Asia Tenggara lan India.[9] Wit iki kasebar, utamane ing dhaerah tropis, amarga wit iki seneng urip ing panggonan kang rada panas.[2]

Kandhungan lan paédah[sunting | sunting sumber]

Bratawali nduwèni alkaloid, damar empuk, pathi, glikosida pikroretosid, zat pait pikroretin, harsa, berberin, lan palmatin. Zat pait pikroretin bisa ngunggahna saraf supaya alat-alat pernafasan bisa kerja luwih apik lan mudhunaké panas.[3] Alkaloid berberina bisa matèni bakteri yèn tatu, korèngen, lan kudisen. Saliyané iku, brotowali uga nduwèni paédah bisa nambah nafsu mangan lan mudhunaké kadar gula.[9] Bratawali uga bisa marekaké lara memar, gatel-gatel, malaria, panas, hépatitis, diabetes, rématik, lan nambah nafsu mangan.[1][2]

Cathetan Suku[sunting | sunting sumber]

  1. ^ a b c (id) Lembaga Penelitian Pengembangan dan Pemberdayaan Lingkungan. 2000. Pemanfaatan Tumbuh-Tumbuhan Alami Untuk Kesehatan dan Pengobatan Alternatif. Jawa Tengah: Jaya Madani
  2. ^ a b c d e f g (id) Inu, Ade. 1982. Kebun Apotik. Jakarta: Aries Lima Hal 5-6
  3. ^ a b c d (id) Wijayakusuma, Hembing. 2006. Resep Alami dari Pakar Herbal Atasi Asam Urat & Rematik Ala Hembing. Jakarta: Puspa Swara. Hal 22-23. ISBN 979-24-4807-1
  4. ^ a b c (id) Muhlisah, Fauziah. 2001. Taman Obat Keluarga. Jakarta: Panebar Swadaya. Hal. 11-13. ISBN 979-489-308-0
  5. ^ (id) Tanaman obat Bratawali {kajupuk tanggal 26 Februari 2011 tabuh 17.24}
  6. ^ (id) Majalah Trubus Edisi Khusus. ISSN 0128-0057. Hal 216
  7. ^ a b (id) Tukiman. 2009. Pemanfaatan Tanaman Obat Keluarga (TOGA). Sumatera Utara: Pendidikan Kesehatan dan Ilmu Perilaku Fakultas Kesehatan Masyarakat
  8. ^ (id) Dalimarta, Setiawan. 2001. 96 Resep Tumbuhan Obat untuk Reumatik. Jakarta: Panebar Swadaya. ISBN 979-489-560-1
  9. ^ a b Medikaholistik.com

Pranala Jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Bratawali&oldid=829551"