Barnabas

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Santo Barnabas
Barnabas.jpg

Ikon Santo Barnabas
Rasul menyang Antiokhia lan Siprus
Miyos ora dikawruhi, Siprus
Tilar donya 61 AD, Salamis, Siprus
Dipun urmati ing Gréja Katulik Roma, Gréja Ortodoks Wétan, Gréja Ortodoks Oriental, Komuni Anglikan, Gréja Lutheran
Kanonisasi Pra-Kongregasi
Papan ziarah utama Biara St Barnabas ing Famagusta, Siprus[1]
Dinten pèngetan 11 Juni
Atribut Petugas ziarah; ranting zaitun; nyekel Injil Santo Mateus
Pangreksa Siprus, Antiokhia, ngalawan badai ès, diundang minangka juru katentreman
Gloriole.svg Portal Santo
Barnabas lagi nyarasaké wong lara karya Paolo Veronese,

Barnabas iku salah siji anggota jemaat awal ing Yerusalem.[2][3] Jeneng asliné yaiku Yusuf.[3] Panjenengané diundang Barnabas déning para rasul.[2] Teges Barnabas yaiku "anak panglipur".[3] Barnabas iku wong Yahudi saka keturunan suku Lewi sing asalé saka Siprus.[3] Barnabas pisanan ketemu karo Paulus nalika Paulus teka ing Yerusalem lan Barnabas sing banjur nepungaké Paulus marang para rasul (Kis9:27).[2] Bebarengan karo Paulus, Barnabas diutus déning jemaat ing Antiokhia kanggo martakaké Injil marang wong-wong dudu Yahudi.[2] Banjur Yohanes sing diarani Markus mèlu nggabung bebarengan karo Paulus lan Barnabas kanggo martakaké Injil menyang Siprus.[2] Woh saka pamartan Injil ing Sipris yaiku martobaté Gubernur pulo iku yaiku Sergius Paulus.[2] Bernabas terus mèlu Paulus nerusaké lelaku kanggo martakaké Injil menyang Pisidia, Ikonium, Listra lan Derbe nganti bali menyang Antiokhia.[2] Nalika panjenengané ana ing Listra, akèh wong nganggep panjenengané minangka Zeus.[3] Ing Antiokhia, Barnabas bebarengan Paulus ngadhepi keributan sing dumadi jroning jemaat ngenani supit.[2] Ana sing nélakaké yèn wong sing dadi Kristen kudu disupit.[2] Barnabas lan Paulus nolak pendapat kuwi.[2] Barnabas kalibat jroning paslisihan karo Paulus nalika kaloroné arep ngakoni lelaku Pamartan Injil kanggo kaping loroné.[2] Barnabas kukuh péngin nggawa Yohanes sing diarani Markus nanging Paulus nolak kanthi alasan Markus wis ora setya.[2] Akiré kaloroné pisah. Paulus lunga bareng Silas sauntara Barnabas mangkat menyang Siprus bareng Markus (Kis 15:35-41).[2] Senajan mangkono, Barnabas tetep kekancan becik karo Paulus (Galatia 2:9; 2 Timotius 4:11).[2]

Réferènsi[sunting | sunting sumber]

  1. ^ *St Barnabas Monastery
  2. ^ a b c d e f g h i j k l m n {id} F.D Wellem. 2003. Hidupklu Bagi Kristus:Kisah Penderitaan dan Kemartiran Orang Kristen pada Periode Gereja Lama 30-591. Jakarta: BPK Gunung Mulia. Hlm. 52-53.
  3. ^ a b c d e {id} J.j. De Heer, P.D Naipospos. 2008. Nama-nama Pribadi dalam Alkitab. Jakarta: BPK Gunung Mulia. Hlm. 27.
Sumber artikel punika saking kaca situs web: "http://jv.wikipedia.org/w/index.php?title=Barnabas&oldid=829929"