Bèntèng Frederik Hendrik

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bèntèng Frederik Hendrik

Bèntèng Frederik Hendrik inggih menika satunggalipun bèntèng ingkang dipundamel déning Walandi ing Taman Wihelmina Jakarta.[1] Samenika panggènan tilas wangunan bèntèng menika dipunwangun Masjid Istiqlal.[1]

Sajarah[sunting | sunting sumber]

Gubernur Jenderal Johannes van den Bosch menika dados arsitèk saking garis pertahanan ingkang anggadhahi nami Defensieljn van den Bosch.[2] Garis Pertahanan ingkang salajengipun dipunnyatakaken gagal amargi kirang manpaatipun menika kagelar saking pojok kidul margi Bungur Besar ing wingkingipun Stasiun Senen, ngantos dumugi lèr.[2] Saking pojok ingkang lèr kasebat garis pertahanan lajeng dipunterasaken tumuju sisih kilèn nglangkungi Sawah Besar, Krekot, Gang Ketapang, lajeng ménggok mangidul nglangkungi Petojo ngantos sisih kilèn lapangan Monumen Nasional (Monas).[2] Saking menika garis pertahanan menika taksih dipunlajengaken ngantos Tanah Abang, ménggok ngétan nglangkungi margi Kebon Sirih, brug (kreteg)Prapatan lan Kramat Bunder.[2]

Bèntèng Frederik Hendrik dipunwangun ing taun 1834 déning Gubernur Jenderal Johannes van den Bosch.[2] Kabaripun ing benthéng sepuh ingkang sampun dangu dipunbongkar menika wonten trowongan dhateng Pasar Ikan.[2] Loncéng ingkang sanajan sampun sepuh ananging taksih saged dipunginakaken kanthi saé꧋ menika wonten ing toko arloji kagunganipun tiyang Walandi ing Rijswijk.[2] Nama toko kasebat inggih menika "Van Arken".[2]

Ing jaman panjajahan Walandi, Bèntèng Frederik Hendrik ing wayah siyang lan dalu tansah dipunjagi déning tamtama.[2] Saking bèntèng menika saben jam 05.00 lan 20.00 tansah dipunungelaken swanten mriem.[2] Angkah témbakan mriem menika minangka tandha tumrap para tamtama kémawon.[2]


Pranala Njawi[sunting | sunting sumber]

(id)Benteng Bawah Tanah

Cathetan Suku[sunting | sunting sumber]

  1. ^ a b (id)Sejarah Masjid Istiqlal dipunundhuh tanggal 22 September 2011)
  2. ^ a b c d e f g h i j k (id)Benteng Bawah Tanah dipunundhuh tanggal 22 September 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.