Antonio Gramsci

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gramsci.png

Antonio Gramsci (22 Januari, 189127 April, 1937) kuwi sawijining penulis, politisi lan pangripta teori politik saka Italia. Minangka salah siji saka pemimpin kang ngadegaké Parté Komunis Italia, dhèwèké dikunjara déning rejim fasis Mussolini. Tulisan-tulisané akèh-akèhé arupa analisis bab budaya lan kapemimpinan politik, lan kawentar minangka pamikir orisinil jroning tradisi Marxis. Antonio Gramsci uga misuwur kanthi konsèpé hègemoni budaya kanggo ngreksa negara jroning masyarakat kapitalis.

Pamikiran[sunting | sunting sumber]

Cithakan:Marxist theory Gramsci dianggep salah siji pamikir teori Marxis kang paling wigati ing abad ka-20, utamané minangka pamikir kunci jroning mangun Marxisme Kulon. Dhèwèké nulis luwih saka 30 buku cathetan lan 3000 kaca sajarah lan analisis ing sajeroning kunjara. Tulisan-tulisan iki, misuwur minangka cathetan saka jronig kunjara (Prison Notebooks), isiné panjlajahan Gramsci bab sajarah Italia lan nasionalisme, ora kèri uga sawetara gagasan bab teori Marxisme, teori kritis lan teori pendhidhikan kang magepokan karo jenengé, kayata:

  • Hegemoni budaya minangka cara kanggo njaga negara kapitalis.
  • Kabutuhan bab pendhidhikan tumrap para buruh kanggo majokaké intelèktualitas para buruh klas pekerja.
  • Pamérangan jroning masyarakat politik (polisi, militèr, sistem hukum, lsp.) kang ndominasi sacara langsung lan kanthi peksan, lan masyarakat sipil (kulawarga, sistem pendhidhikan, persatuan pedagang (trade union), lsp.) ing ngendi kapemimpinan diwangun liwat ideologi utawa pasetujon.
  • 'Sajarahisme absolut'.
  • Kritik bab determinisme ekonomi.
  • Kritik bab filsafat materialisme.

Hegemoni[sunting | sunting sumber]

Hegemoni kuwi konsèp kang sadurungé dianggo déning kaum Marxis kayadéné Lenin kanggo nuduhaké kapemimpinan politik saka kelas pekerja jroning revolusi demokratik, nanging diwangun déning Gramsci dadi sawijining analisi kang akut kanggo maratélakaké kenapa revolusi sosialis kang ora bisa disélaki kang diramalaké déning Marxisme ortodhok ora kadadéyan ing wiwitan abad ka-20.

Intelèktual lan pendhidhikan[sunting | sunting sumber]

Gramsci awèh pamikiran kang akèh bab peran intelèktual jroning masyarakat. Kang misuwur, dhèwèké mratélakaké yèn kabêh wong kuwi intelèktual, saéngga kabèh duwé pemikiran intelèktual lan rasional, nanging ora kabèh duwé fungsi sosial jroning para intelèktual. Dhèwèké nganggep yèn para intelèktual modern ora mung tukang wicara, nanging minangka pangarah lan pangorganisasi kang mbiyantu mangun masyarakat lan ngasilaké hegemoni liwat alat ideologi kayata pendhidhikan lan media.

Negara lan masyarakat sipil[sunting | sunting sumber]

Téori Gramsci bab hegemoni kagandhèng karo konsèpé bab negara kapitalis, kang miturut Gramsci ngatur negara liwat kakuwatan lan pasetujon. Negara ora ditafsiraké sacara cethèk mung arupa pamaréntah; nanging, Gramsci mérang dadi 'masyarakat politik', minangka arena politik institusi lan kontrol hukum konstitusi, lan 'masyarakat sipil', kang umumé arupa alam 'pribadi' utawa 'dudu negara', klebu bab sistem ekonomi. Pérangan kang kapisan mau minangka rangkahé kakuwatan déné pérangan kang kapindho rangkahé pasetujon. Senadyan mangkono, Gramsci nadhesaké yèn pamérangan kuwi mau mung murni konsèp lan kaloroné jroning kasunyatan kerep tumpang tindhih.

Pangaruh pamikiran Gramsci[sunting | sunting sumber]

Pamikir liyané kang kena pengaruh Gramsci[sunting | sunting sumber]

Delengen uga[sunting | sunting sumber]

Cathetan[sunting | sunting sumber]

  1. ^ http://www.guardian.co.uk/Scotland/Story/0,,392958,00.html

Sumber[sunting | sunting sumber]

Pranala jaba[sunting | sunting sumber]

Commons-logo.svg
Wikimedia Commons gadhah galeri bab:


Jabatan pulitik partai
Sing mengku  sadurungé:
Amadeo Bordiga
Secretary of the Italian Communist Party
1924–1926
Diganti déning:
Palmiro Togliatti


Cithakan:Secratary of the Italian Communist Party

Kategpri:Pulitik

Sumber artikel punika saking kaca situs web: "http://jv.wikipedia.org/w/index.php?title=Antonio_Gramsci&oldid=820072"