Anthony de Mello

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Salah setunggil buku ingkang dipunserat déning Anthony de Mello.

Anthony de Mello (lair ing Bombay, India, 4 September 1931 – tilar donya ing New York, Amérika Sarékat, 2 Juni 1987 kanthi umur55 taun) inggih punika satunggiling imam Yesuit lan psikoterapis ingkang misuwur sacara wiyar amargi buku-bukunipun perkawis spiritualitas. Panjenenganipun ngawontenaken kathah retrèt rohani lan dipunanggep kaliyan sebagéyan pihak minangka satunggiling juru wicanten publik ingkang pinunjul. Panjenenganipun ndhatengi kathah nagari kanggé sinau lan salajengipun mucal, utaminipun ing Spanyol lan Amérika Sarékat.

De Mello madegaken satunggiling pusat donga ing India. Panjenenganipun tilar donya sacara dadakan nalika taun 1987. Karya-karyanipun tasih dipuncithak dumugi sapuniki lan seratan-seratan sanèsipun dipunterbitaken sasampunipun tilar donyanipun.

Nalika taun 1998, sapérangan opininipun dipunkutuk déning Kongregasi kanggé Doktrin Kaimanan. Kardinal Joseph Ratzinger, ingkang ing tembé wurinipun dados Paus Benediktus XVI, nyerat kanggé kongregasi puniki:

"Nanging sampun katingal ing ukara-ukara tartamtu salebetipun karya-karya awalipun lan, salebetipun gunggung ingkang langkung ageng, salebetipun terbitan-terbitan salajengipun, tiyang saged ngawigatosaken satunggiling sikap ingkang ngadohi sacara progrèsif saking isi-isi wigatos iman Kristiani ... Adhedhasar lapuran sapuniki, kanthi tujuwan kanggé ngreksa kasaénan umat Kristiani, kongregasi puniki nélakaken bilih posisi-posisi ingkang dipunsebataken ing nginggil minangka perkawis-perkawis ingkang mboten selaras kaliyan iman Katulik lan saged nyebabaken karisakan (iman) ingkang parah."[1]

Paradigmanipun ingkang cekap kontrovèrsial kanggé dogma Katulik sebagéyan ageng amargi kathah-kathahipun gagasanipun kapengaruh déning Ajahn Chah - ingkang, kathah tiyang nyebataken, kados guru kanggé piyambakipun. Uwal saking kutukan pihak Gréja, karya-karyanipun tetep misuwur sanget utaminipun kanggé tiyang-tiyang ingkang wigatos dhumateng Spiritualitas Ignasian.

Sapérangan èdhisi saking buku-bukunipun kawit kedadosan puniku sampun dipunsisipaken pepènget: 'Buku-buku Romo Anthony de Mello dipunserat salebetipun satunggiling kontèks multi-réligius kanggé mbiyantu pandhèrèk agami sanèsipun, kaum agnostik lan atéis salebetipun upados pamadosan spiritualipun, lan buku-buku puniki mboten dipunmaksudaken déning panyerat minangka buku pandhuan umat Katulik salebetipun doktrin ugi dogma Kristen.'[2]

Senadyan mekaten, seratan-seratanipun tetep cumawis ing sapérangan toko-toko buku Katulik.

Bibliografi[sunting | sunting sumber]

Rujukan[sunting | sunting sumber]

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Anthony_de_Mello&oldid=833642"