Willis Carrier

Saka Wikipédia Jawa, bauwarna mardika basa Jawa
Willis Carrier

Willis Carrier penemu AC.[1] Dhèwèké lair ing Angola, New York, Amérikah Sarékat, tanggal 26 November 1876.[1] Dhèwèké katon pinter kawit isih cilik.[1] Wong tuwané nyambut gawé dadi tani lan uripé sarwa kurang.[1] Nanging dhèwèké bisa kuliyan ing Universitas Cornell kanthi beasiswa kang suwéné patang taun.[1] Carrier dikenal minangka wong kang sumeh lan kadhang- kadhang lucu.[1] Carrier tau nyambut gawé ing perusahaan pemanas kang jenenge Buffalo Forge Co taun 1901.[1] Ing perusahaan iki dhèwèké ana ing pérangan Rekayasa Eksperimental.[1] Dhèwèké kenalan karo Irvine Lyle, sawijining ahli pemasaran.[1] Wong sakloron kekancan nganti suwé.[1] Nanging Departemen Rekayasa Eksperimental iki ora suwé.[1] Nalika taun 1914, peruahaan iki ditutup. [1] Kanthi rasa kuciwa, Carrier metu saka perusahaan.[2] Setaun candhaké, dhèwèké gawé perusahaan dhéwé.[2] Pelanggan kang wiwitan Carrrier ya iku sawijining perusahaan kang ngadepi masalah produksi.[2] Ing taun 1902, perusaahan percetakan ing Brooklyn ngrasa kuciwa amarga reproduksi wernane ora apik akibat owah-owahan kelembaban lan suhu kang nyebabake kertas dadi ngembang lang nglinting, dadekake warna-warna dadi ora apik.[2] Carrier nyoba nangani prakara mau kanthi ngontrol kelembaban.[2] Taun 1906, dhèwèké éntuk tantangan saka perusahaan pemintalan katun ing Carolina Selatan, Amérikah Sarékat.[2] Perusahaan mau ngalami prakara panas.[2] Sawijining mesin kang dienggo terus, nyebabake panas.[2] Nalika iku, Carrier kasil anggoné ngatur udara nalika gawé macaroni teles.[2] Ngrembakane AC kagolong rendhet amarga 20 taun kawit diciptakake, AC mung minangka indhustri minangka pendingin mesin.[2] Carrier tinggal donya nalika umur 73 ya iku taun 1950 ing New York, Amérikah Sarékat.[2]

Cathetan suku[besut | besut sumber]

  1. a b c d e f g h i j k l [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 272]
  2. a b c d e f g h i j k [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 273]