William T.G. Morton

Saka Wikipédia Jawa, bauwarna bébas abasa Jawa
William T.G. Morton

William T.G. Morton ya iku pelopor panggunaan obat bius.[1] Dhèwèké lair ing Charlton, Massachusetts, taun 1819.[1] Dhèwèké sinau bageyan pembedahan untu ing Akademi Baltimore.[1] Taun 184, dhèwèké mulai mbukak praktik dhokter untu.[1] Ing prakteke, Morton kepengin supaya untu palsu bisa kepenak dienggo wong.[1] Kanggo nindakake, dhèwèké kudu njabut untu kawak nganti oyot-oyote[1]. Sadurunge ana pembiusan, proses njabut untu lara banget.[1] Lara mau kang gawé Morton mikirake babagan ngenani pembiusan utawa istilahe ing kedhokteran diarani anesthesia.[1] Sadurunge, sawijining dhokter untu kang jenenge Horac Wells nindakake percobaan kanthi nitrous oxide utawa gas ketawa minangka bahan pembius.[1]

Nanging bahan mau ora cocog kanggo njabut untu.[2] Dhèwèké banjur golek bahan liya kang luwih efektif.[2] Charles T. Jackson, sawijining ilmuwan ngusulake marang Morton supaya nggunakake ether minangka bahan pembius.[2] Mula-mulane, Morton nggunakake kéwan kaggo uji coba obat pembius.[2] Ing tanggal 30 September 1846, dhèwèké duwéni kesempatan nguji joba marang pasien nalika arep njabutke untu.[2] Sawise sadar, pasien mau kandha yèn ora krasa lara nalika untune dijabut.[2] Nagging pecobaan mau ora disenengi wong akeh.[2] Nalika tanggal 16 Oktober 1846, ya iku ing Rumah Sakit Boston, Massachusetts, dhèwèké mamerake biuse marang pasien kang arep dioprasi.[2] Operasine kasil tanpa rasa lara.[2] Kawit iku, pembiusan digunakake nalika pembedhahan.[2] Morton tingal donya taun 1868 ing kutha New York nalika umure genep 49 taun.[2]

Cathetan suku[besut | besut sumber]

  1. ^ a b c d e f g h i (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 270]
  2. ^ a b c d e f g h i j k (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 271]